Альвіна Андрэеўна Шпады

З пляцоўкі Вікіпедыя
Jump to navigation Jump to search
Альвіна Андрэеўна Шпады
Дата нараджэння 31 студзеня 1935(1935-01-31)
Дата смерці 23 чэрвеня 2019(2019-06-23) (84 гады)
Грамадзянства
Род дзейнасці мастачка, рэстаўратар, сцэнограф, мастацтвазнавец
Вучоба

Альвина Андрэеўна Шпады (Шпадэ; 31 студзеня 1935 — 23 чэрвеня 2019) — узбекістанская мастачка і рэстаўратар. Заслужаны работнік культуры Рэспублікі Каракалпакстан.

Біяграфія[правіць | правіць зыходнік]

Нарадзілася ў Мервскім раёне(руск.) бел. Туркменскай ССР у нямецкай сям’і, высланай з Паволжа ў 30-я гады. Скончыла Туркменскае дзяржаўнае мастацкае вучылішча імя Шата Руставелі ў Ашхабадзе (1960), выкладала маляванне і чарчэнне ў сярэдняй школе ў Байрамалі.

У 1960 годзе перабралася ў Нукус, працавала ў Мастацкім фондзе Каракалпакскай АССР і ў сектары мастацтвазнаўства Каракалпакскага філіяла Акадэміі навук Узбекістана(руск.) бел.. Пад уплывам Ігара Савіцкага(руск.) бел. зацікавілася сярэднеазіяцкім народным прыкладным мастацтвам і ў 1962 годзе паступіла ў Ташкенцкі тэатральна-мастацкі інстытут(руск.) бел. па спецыяльнасці «мастак па тканінах», адкуль была пераведзеная ў Маскоўскі тэкстыльны інстытут(руск.) бел., які скончыла ў 1969 годзе. Пасля гэтага ўсё жыццё жыла і працавала ў Нукусе.

На працягу некалькіх дзесяцігоддзяў была вядучым рэстаўратарам Каракалпакскага дзяржаўнага музея мастацтваў(руск.) бел.. Адначасова працавала як тэатральны мастак у Каракалпакскім дзяржаўным музычным тэатры імя Станіслаўскага, у 1980 годзе працавала як мастак па касцюмах на здымках першага каракалпакского мастацкага фільма «Непакорлівая» (рэжысёр Анатоль Кабулаў(узб.) бел.).

Адначасова працавала як жывапісец, развіваючы традыцыі рускіх майстроў сярэднеазіяцкага жывапісу — Аляксандра Волкава(руск.) бел., Мікалая Карахана(руск.) бел.[1]. У 2015 годзе ў Каракалпакскім дзяржаўным музеі мастацтваў прайшла юбілейная выстаўка «Свет Альвіны Шпады» да 80-годдзя мастачкі, у 2018 годзе адбылася персанальная выстаўка «Каракалпакстан — любоў мая навекі», на якой разам з жывапісам Шпады былі прадстаўлены дываны-сюзанэ па яе эскізах на аснове каракалпакскага народнага арнаменту[2].

Зноскі

  1. Памяти Альвины Шпады // Информационное агентство «Фергана», 24.06.2019.
  2. В Нукусе открылась персональная выставка Альвины Шпады // Kultura.uz, 26.11.2018

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.