Альжбета Шыдлавецкая

Альжбета Радзівіл (Шыдлавецкая)
Альжбета Радзівіл (Шыдлавецкая)
	Elżbieta Szydłowiecka
	;
	; Адрованж
Нараджэнне	1533; Шыдловец, Гміна Шыдловец, Шыдлавецкі павет, Мазавецкае ваяводства, Польшча;
Смерць	1562; Вільня, Віленскае ваяводства, Вялікае Княства Літоўскае;
Род	Шыдлавецкія[d] і Радзівілы
Бацька	Кшыштаф Шыдлавецкі
Маці	Сафія з Таргавіска
Муж	Мікалай Радзівіл Чорны
Дзеці	Мікалай Крыштаф Радзівіл Сіротка, Юрый Радзівіл, Альбрэхт Радзівіл, Станіслаў Радзівіл, Крысціна з Радзівілаў[d], Альжбета з Радзівілаў і Ганна Магдалена з Радзівілаў[d]
Веравызнанне	кальвінізм
	Медыяфайлы на Вікісховішчы

Альжбета Радзівіл (у дзявоцтве Шыдлавецкая, польск.: Elżbieta Szydłowiecka; 1533, Шыдловец, Польшча — 20 чэрвеня 1562, Вільня, Вялікае Княства Літоўскае) — прадстаўніца арыстакратыі Каралеўства Польскага і Вялікага Княства Літоўскага, пабожная кальвіністка.

Біяграфія[правіць | правіць зыходнік]

Паходзіла са шляхецкага роду Шыдлавецкіх герба «Адрованж», дачка Крыштафа, канцлера вялікага кароннага, і Сафіі з Таргавіска. Мела братоў Мікалая, Людвіка і Жыгімонта, а таксама сясцёр Сафію, Крысціну і Марыю. Вызнавала кальвінізм.

Згодна з дамовай паміж сваякамі, складзенай у 1536 годзе, атрымала дзве траціны родавага маёнтку Шыдловец, рэшта адыйшла да сястры Крысціны. У 1547 годзе, каб пазбегнуць падзелу маёнтку і яго пераходу ў чужыя рукі, выкупіла частку сястры.

12 лютага 1548 года у Сандаміры выйшла замуж за Мікалая Радзівіла Чорнага, на вяселлі прысутнічаў будучы кароль Жыгімонт II Аўгуст. Пасля шлюбу маёнтак Шыдловец у якасці шлюбнага пасагу адыйшоў да Радзівілаў. У шлюбе мела сыноў Альбрэхта, Мікалая Крыштафа, Станіслава і Юрыя, а таксама дачок Ганну Магдалену, Крыстыну, Соф'ю Агнешку і Альжбету.