Альфрэд Льюіс Кробер

Альфрэд Льюіс Кробер
Alfred Louis Kroeber
А. Л. Кробер разам з Ішы
Дата нараджэння	11 чэрвеня 1876(1876-06-11)[…]
Месца нараджэння	Хобакен[d], акруга Хадсан[d], Нью-Джэрсі, ЗША
Дата смерці	5 кастрычніка 1960(1960-10-05)[…] (84 гады)
Месца смерці	Парыж, рэгіён Іль-дэ-Франс, Метраполія Францыі, Францыя
Месца пахавання	Sunset View Cemetery[d]
Грамадзянства	ЗША
Жонка	Тэадора Кробер
Дзеці	Урсула Кробер Ле Гуін і Карл Кробер[d]
Род дзейнасці	антраполаг, археолаг, сацыёлаг, мовазнавец
Навуковая сфера	антрапалогія
Месца працы	Каліфарнійскі ўніверсітэт у Берклі
Альма-матар	Калумбійскі ўніверсітэт (1901)
Навуковы кіраўнік	Франц Боас
Член у	Амерыканская акадэмія мастацтваў і навук Амерыканскае філасофскае таварыства Нацыянальная акадэмія навук ЗША
Узнагароды	Messenger Lectures[d] (1956) член Амерыканскай акадэміі мастацтваў і навук (1912) Viking Fund Medal[d] (1946)
Медыяфайлы на Вікісховішчы

А́льфрэд Лью́іс Кро́бер (англ.: Alfred Louis Kroeber, 11 чэрвеня 1876 — 5 кастрычніка 1960 гг.) — амерыканскі антраполаг і пісьменнік, даследчык культуры індзейцаў. Бацька амерыканскай пісьменніцы Урсулы Ле Гуін.

Біяграфія

А. Л. Кробер нарадзіўся на ўсходзе ЗША ў сям’і нямецкіх эмігрантаў. Выхоўваўся ў Нью-Ёрку.

У 1892—1897 гг. вывучаў англійскую і класічныя мовы ў Калумбійскім універсітэце. У 1901 г. пад кіраўніцтвам Ф. Боаса абараніў доктарскую дысертацыю, прысвечаную этнаграфіі арапаха. Цікавіўся псіхааналізам. У 1918 г. атрымаў права займацца псіхааналітычнай тэрапіяй.

Большую частку жыцця працаваў у Каліфарнійскім ўніверсітэце ў Берклі, дзе стварыў і ўзначальваў музей антрапалогіі. У 1917—1918 гг. узначальваў Амерыканскую антрапалагічную асацыяцыю.

Быў двойчы жанаты, выхоўваў 2 прыёмных і 2 сваіх дзяцей. Дачка Урсула Кробер Ле Гуін стала знакамітай пісьменніцай-фантасткай.

Памёр 5 лістапада 1960 г. у Парыжы.

Навуковыя погляды

Крытыкаваў класічны эвалюцыянісцкі падыход адносна прымітыўных і больш развітых чалавечых культур. Насуперак яму развіваў рэлятывісцкую канцэпцыю Ф. Боаса. Лічыў, што культуры развіваюцца ў сувязі з навакольным геаграфічным асяроддзем. Згодна яго меркаванню, антрапалогія павінна захоўваць і аднаўляць памяць пра знікаючыя культуры. Як аўтар падручніка па антрапалогіі (1923 г.) аказаў значны ўплыў на наступныя пакаленні даследчыкаў.

Займаўся археалагічнымі раскопкамі ў Мексіцы і Перу, сцвярджаў прамую сувязь паміж археалагічнай і этнічнай культурамі. Зрабіў значны ўнёсак у класіфікацыю індзейскіх моў захаду ЗША.

Як эксперт аказваў дапамогу ў усталяванні правоў індзейцаў Каліфорніі. Апрацоўваў і публікаваў індзейскі фальклор.

Публікацыі

Аўтар каля 500 публікацый. Найбольш важныя:

• The Arapaho, 1902, 1904, 1907 гг.
• The Native Languages of California Архівавана 9 сакавіка 2021. (разам з Роландам Дзіксанам), 1903 г.
• Types of Indian culture in California, 1904 г.
• The Religion of the Indians of California, 1907 г.
• Linguistic families of California (разам з Роландам Дзіксанам), 1919 г.
• Peoples of the Philippines, 1919 г.
• California culture provinces, 1920 г.
• Handbook of the Indians of California, 1925 г.
• Cultural and natural areas of native North America, 1953 г. (1939 г.)
• Anthropology: Culture Patterns and Processes, 1963 г.

Спасылкі

• Alfred Kroeber — NNDB
• Alfred L. Kroeber — New World Encyclopedia
• Julian H. Steward, Alfred Kroeber
• Daniel Benveniste, Alfred L. Kroeber: San Francisco’s First Psychoanalyst Архівавана 12 ліпеня 2018.