Аляксандра Фёдараўна Нічыпар

Аляксандра Фёдараўна Нічыпар
Міністр лёгкай прамысловасці БССР 1965 — 1972
Кіраўнік урада	Ціхан Кісялёў
Папярэднік	пасада заснаваная
Пераемнік	Марыя Конанава
Нараджэнне	1916 Мядзведкі, Муніцыпальнае ўтварэнне горад Тула[d], Тульская вобласць, СССР
Смерць	невядома
Грамадзянства	СССР
Адукацыя	Маскоўскі тэкстыльны інстытут[d] (1939)
Узнагароды

Алякса́ндра Фёдараўна Нічы́пар (1916, с. Мядзведкі Тульскай вобласці — ?) — дзяржаўны і гаспадарчы дзеяч БССР.

Біяграфія

Член КПСС (1948). Скончыла Маскоўскі тэкстыльны інстытут (1939).

Працоўную дзейнасць пачала ў 1931 годзе на фабрыцы ў Серпухаве, з 1939 года працуе намеснікам начальніка фабрыкі Монінскага камвольнага камбіната, у 1940—1941 гг. эканамістам планавага аддзела Наркамата тэкстыльнай прамысловасці БССР. У Вялікую Айчынную вайну працуе нарміроўшчыцай, планавіком, начальнікам аддзела на прадпрыемствах Серпухава, Бійска, Чалябінска, у 1945—1953 гг. — начальнікам планавага аддзела Белгалоўтэкстыльснаба, затым начальнікам аддзела, намеснікам дырэктара Мінскага тонкасуконнага камбіната.

У 1953 годзе прызначана на пасаду намесніка міністра лёгкай прамысловасці БССР (у тым жа годзе перайменавана ў Міністэрства прамысловасці тавараў шырокага спажывання БССР), у 1955 годзе намеснікам міністра тэкстыльнай прамысловасці БССР, у 1956 годзе зноў намеснікам міністра лёгкай прамысловасці БССР. З 1957 па 1965 год працавала намеснікам начальніка Упраўлення лёгкай прамысловасці Саўнаргаса БССР, а затым намеснікам старшыні СНГ БССР.

З 1965 да мая 1972 года міністр лёгкай прамысловасці БССР.

Дэпутат Вярхоўнага Савета БССР 4, 7—8 склікання. Узнагароджана ордэнам Леніна, медалямі.

Літаратура

• Наш кандыдат (нявызн.). ГОМЕЛЬСКІ УНІВЕРСІТЭТ (5 чэрвеня 1971).