Аляксандр Іванавіч Баброўнік

Аляксандр Іванавіч Баброўнік
Дата нараджэння	15 жніўня 1944(1944-08-15) (80 гадоў)
Месца нараджэння	Вуйвічы, Барычавіцкі сельсавет, Пінскі раён, Пінская вобласць, БССР, СССР
Грамадзянства	Беларусь
Месца працы	БНТУ Мінскі трактарны завод БДАТУ
Навуковая ступень	доктар тэхнічных навук (1999)
Навуковае званне	прафесар
Альма-матар	БПІ (1965)

Аляксандр Іванавіч Баброўнік (нар. 15 жніўня 1944, в. Вуйвічы, Пінскі раён, Брэсцкая вобласць) — беларускі спецыяліст у галіне механізацыі сельскагаспадарчай вытворчасці, эксплуатацыі, аднаўлення і рамонту сельскагаспадарчай тэхнікі. Доктар тэхнічных навук (1999), прафесар.

Біяграфія

Скончыў Беларускі політэхнічны інстытут (1965), Цэнтральны навукова-даследчы інстытут механізацыі сельскай гаспадаркі Нечарназёмнай зоны СССР (аспірантура).

Працаваў у Цэнтральным навукова-даследчым інстытуце механізацыі сельскай гаспадаркі Нечарназёмнай зоны СССР (1971—1978, навуковы супрацоўнік, інжынер), Мінскім трактарным заводзе (1994—2006, начальнік канструктарскага бюро навукова-тэхнічнага цэнтра), Беларускім дзяржаўным аграрным тэхнічным універсітэце (2007—2013, прафесар кафедры «Трактары і аўтамабілі», у 2008—2012 — загадчык кафедры), Беларускім нацыянальным тэхнічным універсітэце (1979—1994 — дацэнт кафедры «Дэталі машын і пад’ёмна-транспартныя машыны і механізмы», загадчык лабараторыі прыводаў, сістэм машын і механізмаў, з 2013 — прафесар кафедры «Гідрапнеўмааўтаматыка і гідрапнеўмапрывад», у 2016—2020 — загадчык кафедры).

Навуковыя інтарэсы: даследаванне рэжымаў машынна-трактарных агрэгатаў.

Бібліяграфія

• Совершенствование процессов внесения удобрений на основе рациональных приводов машин : диссертация … доктора технических наук : 05.20.01 ; 05.20.03 : защищена 16.12.1997 : утверждена 10.02.1999 / Бобровник Александр Иванович. — Минск, 1997.

Літаратура

• Кандрацьеў У. М. Баброўнік Аляксандр Іванавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 340. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Бобровник Александр Иванович / В. Н. Кондратьев // Республика Беларусь : энциклопедия : [в 7 т.]. — Минск, 2006. — Т. 2. — С. 411.
• Бобровник Александр Иванович / В. Н. Кондратьев // Регионы Беларуси : энциклопедия : в 7 т. — Минск, 2009. — Т. 1 : Брестская область : в 2 кн., кн. 1. — С. 111—112.