Аляксандр Іванавіч Жук

З пляцоўкі Вікіпедыя
Jump to navigation Jump to search
Аляксандр Іванавіч Жук
Дата нараджэння 10 кастрычніка 1956(1956-10-10) (65 гадоў)
Месца нараджэння
Грамадзянства
Род дзейнасці педагог, рэктар, выкладчык універсітэта
Навуковая сфера педагогіка
Месца працы
Навуковая ступень доктар педагагічных навук (1998)
Навуковае званне прафесар (1999)
Альма-матар
Узнагароды
медаль «За працоўныя заслугі» кавалер ордэна Акадэмічных пальмаў юбілейны медаль «65 год вызвалення Рэспублікі Беларусь ад нямецка-фашысцкіх захопнікаў»
Заслужаны работнік адукацыі Рэспублікі Беларусь
юбілейны медаль «100 год прафсаюзнаму руху Беларусі» Памятны медаль «За супрацоўніцтва»

Аляксандр Іванавіч Жук (нар. 10 кастрычніка 1956, Мінск) — беларускі педагог, доктар педагагічных навук (1998), прафесар (1999), рэктар Беларускага дзяржаўнага педагагічнага ўніверсітэта (з 2014), галоўны рэдактар часопісаў «Адукацыя і выхаванне», «Весці БДПУ».

Біяграфія[правіць | правіць зыходнік]

Нарадзіўся 10 кастрычніка 1956 года ў Мінску. У 1979 годзе скончыў Беларускі дзяржаўны універсітэт імя У. І. Леніна па спецыяльнасці «матэматыка». З 1979 года — асістэнт кафедры тэорыі функцый БДУ. У 1983 годзе паступіў у аспірантуру Мінскага дзяржаўнага педагагічнага інстытута імя А. М. Горкага, якую скончыў у 1986 годзе, датэрмінова абараніўшы кандыдацкую дысертацыю па методыцы выкладання матэматыкі. У 1998 годзе абараніў доктарскую дысертацыю.

Працаваў настаўнікам матэматыкі ў СШ № 34 і № 170 г. Мінска, сакратаром камітэта камсамола БДУ, выкладчыкам кафедры геаметрыі, тапалогіі і методыкі выкладання матэматыкі, дацэнтам гэтай жа кафедры. У 1989—1992 гадах — першы дырэктар ліцэя БДУ. З 1992 года — рэктар Інстытута павышэння кваліфікацыі і перападрыхтоўкі кіруючых работнікаў і спецыялістаў адукацыі. З 1997 года — рэктар Акадэміі паслядыпломнай адукацыі.

У 2000 годзе прызначаны першым прарэктарам Беларускага дзяржаўнага ўніверсітэта. З 2001 года па 2014 год працаваў на пасадзе першага намесніка Міністра адукацыі Рэспублікі Беларусь.

З 3 мая 2014 года — рэктар Беларускага дзяржаўнага педагагічнага ўніверсітэта імя Максіма Танка.

Навука[правіць | правіць зыходнік]

Заснавальнік і кіраўнік навуковай школы па праблемах бесперапыннай педагагічнай адукацыі, у склад якой уваходзяць 3 дактары навук і больш за 20 кандыдатаў навук. Аўтар 235 публікацый, у тым ліку 5 манаграфій, навучальных дапаможнікаў, а таксама навуковых і навукова-метадычных артыкулаў.

Упершыню ў нацыянальнай сістэме бесперапыннай педагагічнай адукацыі пад кіраўніцтвам А. І. Жука створаны вучэбна-навукова-інавацыйны кластар, які забяспечвае інтэграцыю патэнцыялаў адукацыі, навукі і эфектыўнай практыкі, у склад якога ўваходзяць установы адукацыі, якія адносяцца да розных узроўняў адукацыі, навуковыя і навукова-метадычныя арганізацыі, грамадскія аб’яднанні, педагагічныя класы.

А. І. Жук быў кіраўніком міжведамаснай рабочай групы па распрацоўцы Кодэкса Рэспублікі Беларусь аб адукацыі, Дзяржаўных праграм развіцця вышэйшай, сярэдняй спецыяльнай і прафесійна-тэхнічнай адукацыі на 2011—2015 гг., старшынёй навукова-тэхнічных саветаў па галіновых навукова-тэхнічных праграмах «Адукацыя і кадры» на 2003—2005 гг., «Адукацыя і здароўе» на 2006—2008 гг., «Сучаснае адукацыйнае асяроддзе» на 2009—2011 гг., навуковым кіраўніком ДКПНД «Эканоміка і грамадства» на 2006—2010 гг., Дзяржаўнай праграмы навуковыя х даследаванняў «Гісторыя, культура, грамадства, дзяржава» на 2011—2015 гг. (падпраграма «Адукацыя»), кіраўніком НДР «Тэарэтыка-метадалагічныя асновы і механізмы пабудовы нацыянальнай сістэмы ацэнкі якасці бесперапыннага педагагічнага адукацыі» ДПНД «Эканоміка і гуманітарнае развіццё беларускага грамадства» на 2016—2020 гады, НДР «Змест і методыка універсальнай псіхолага-педагагічнай падрыхтоўкі выкладчыкаў ВНУ на аснове рэалізацыі кампетэнтнаснага падыходу як умовы іх асобасна-прафесійнага развіцця» (2015—2017 гг.) па лініі БРФФД.

З’яўляецца ганаровым доктарам Паўднёваўкраінскага нацыянальнага педагагічнага ўніверсітэта імя К. Д. Ушынскага і Маскоўскага дзяржаўнага ўніверсітэта эканомікі, статыстыкі і інфарматыкі, ганаровым прафесарам Армянскага дзяржаўнага педагагічнага ўніверсітэта імя Хачатура Абовяна.

Узнагароды[правіць | правіць зыходнік]

Зноскі

Літаратура[правіць | правіць зыходнік]

  • Жук Александр Иванович // Республика Беларусь: Энциклопедия в 6 т. Т. 3: Герасименко — Картель / редкол.: Г. П. Пашков и др. — Минск: БелЭн, 2006. — 896 с : ил. — ISBN 985-11-0341-1. — ISBN 985-11-0382-9 (Т. 3)
  • Г.У. Карзенка. Дактары і кандыдаты навук Беларускага дзяржаўнага педагагічнага ўніверсітэта імя Максіма Танка (да 10-годдзя з дня заснавання): біябібліягр. давед.. — Мн.: БДПУ, 2014. — С. 4-5. — 192 с. — ISBN 972-985-541-192-6.

Спасылкі[правіць | правіць зыходнік]