Аляксандр Іовіч Валошын

Аляксандр Іовіч Валошын
Дата нараджэння	1 студзеня 1922(1922-01-01)
Месца нараджэння	Екацярынаслаў, Кацярынаслаўская губерня, УССР
Дата смерці	22 верасня 1989(1989-09-22) (67 гадоў)
Месца смерці	Баранавічы, Брэсцкая вобласць, БССР, СССР
Грамадзянства	СССР
Прыналежнасць	СССР
Род войскаў	Ваенна-паветраныя сілы
Званне	палкоўнік
Бітвы/войны	Вялікая Айчынная вайна
Узнагароды і званні

Аляксандр Іовіч Валошын (1 студзеня 1922, Екацярынаслаў — 22 верасня 1989, Баранавічы) — лётчык-знішчальнік, Герой Савецкага Саюза.

Біяграфія

Нарадзіўся ў сям’і чыгуначніка. Скончыў аэраклуб і быў накіраваны на вучобу ў школу лётчыкаў-знішчальнікаў. З красавіка 1940 года ў Качынскай авіяцыйнай школе пілотаў. У 1941 годзе пасля яе заканчэння накіраваны ў 814-ы авіяполк у Лепель.

З першых дзён Вялікай Айчыннай вайны — на фронце. Першую перамогу (збіў нямецкі бамбардзіроўшчык) узяў 29 снежня 1942 года з раёне Мімерава.

З красавіка 1942 года — камандзір звяна 106-га знішчальнага авіяпалка. Удзельнічаў у баях на Заходнім, Калінінскім, Паўднёва-Заходнім, 1-м Украінскім франтах, у Сталінградскай і Курскай бітвах.

У 1944 годзе над Польшчай на падбітым самалёце тараніў нямецкі і здолеў пасадзіць сваю машыну

За час вайны Аляксандр Валошын здзейсніў 293 баявых вылеты, правёў 68 паветраных баёў, асабіста збіў 16 самалётаў праціўніка.

За ўзорнае выкананне заданняў на фронце 24 чэрвеня 1945 года А. І. Валошыну прысвоена званне Героя Савецкага Саюза.

Пасля вайны служыў у войску. З 1972 года — у запасе.

21 сакавіка 1975 года атрымаў званне ганаровага жыхара горада Баранавічы.

26 чэрвеня 2008 года рашэннем гарадскога Савета дэпутатаў яго імем названа вуліца ў мікрараёне Бараўкі Баранавіч.