Аляксандр Абрамавіч Грэйман

Аляксандр Абрамавіч Грэйман
Дата нараджэння	8 ліпеня 1899(1899-07-08)
Месца нараджэння	Казань, Казанскі павет[d], Казанская губерня, Расійская імперыя
Дата смерці	1 чэрвеня 1970(1970-06-01) (70 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	хірург, эндакрынолаг, выкладчык універсітэта, загадчык кафедры
Месца працы	БДМУ
Навуковая ступень	доктар медыцынскіх навук
Навуковае званне	прафесар
Альма-матар	медыцынскі факультэт БДУ (1926)

Аляксандр Абрамавіч Грэ́йман (8 ліпеня 1899, Казань— 1 чэрвеня 1970, Мінск) — вучоны ў галіне хірургіі, доктар медыцынскіх навук (1961), прафесар (1963).

Біяграфія

А. А. Грэйман нарадзіўся ў Казані. Паступіў на вучобу на медыцынскі факультэт Казанскага ўніверсітэта, быў пераведзены на медыцынскі факультэт Беларускага дзяржаўнага ўніверсітэта, які скончыў у 1926 годзе. У 1926—1931 гг. працаваў у Бярэзінскім раёне хірургам у раённай бальніцы, загадчыкам раённым аддзелам аховы здароўя. У 1931—1934 гг. ардынатар хірургічнай клінікі БДУ, адначасова намеснік дырэктара 1-а клінічнага гарадка Мінска. У 1939—1940 гг. праходзіў службу ў Чырвонай Арміі. У час Вялікай Айчыннай вайны камандзір медыка-санітарнага батальёна, вядучы і галоўны хірург эвакашпіталяў. У 1945—1947 гг. асістэнт кафедры шпітальнай хірургіі Мінскага медыцынскага інстытута. У 1946 годзе абараніў кандыдацкую дысертацыю на тэму «Экспериментальные данные к вопросу об эволюции и патогенезе эндемического зоба в БССР». У 1947—1948 гг. дацэнт кафедры хірургіі Беларускага інстытута ўдасканалення ўрачоў, у 1948—1956 і ў 1957—1963 гг. дацэнт кафедры агульнай хірургіі Мінскага медыцынскага інстытута, у 1956—1957 гг. загадчык кафедрай. У 1961 годзе А. А. Грэйману прысвоена вучоная ступень доктара навук, у 1963 годзе вучонае званне прафесара. У 1963—1970 гг. ён на пасадзе 2-й кафедрай шпітальнай хірургіі Мінскага медыцынскага інстытута.

Памёр А. А. Грэйман 1 чэрвеня 1970 г. Пахаваны на Усходніх могілках Мінска.

Навуковая дзейнасць

А. А. Грэйману належаць навуковыя працы па хірургіі валляка і пухлін шчытападобнай залозы, органаў брушной поласці. Займаў пасаду намесніка старшыні Беларускага навуковага таварыства хірургаў. Аўтар больш за 60 навуковых прац, у тым ліку манаграфіі «Хирургическое лечение и патоморфология зоба» (1964). Рэдактар манаграфіі «Актуальные вопросы острого аппендицита» (1969).

Сярод апублікаванага:

• Хирургическое лечение и патоморфология зоба. Клинико-морфол. материалы по Белорус. ССР [Текст] / А. А. Грейман. — Минск: Беларусь, 1964. — 136 с.

Узнагароды

Узнагароджаны баявым ордэнам і медалямі, Ганаровай граматай Вярхоўнага Савета БССР, значком «Выдатнік аховы здароўя».

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Грейман Александр Абрамович (26.06(08.07).1899—01.06.1970)(недаступная спасылка) (руск.) // Сайт УА «Беларускі дзяржаўны медыцынскі ўніверсітэт»
• Здравоохранение Беларуси: Знаменитые и юбилейные даты. 2009 год (руск.) // Музей гісторыі медыцыны Беларусі. Рэспубліканская навуковая медыцынская бібліятэка — Мн., 2009.