Аляксандр Адамавіч Федарцоў

Аляксандр Адамавіч Федарцоў
Аляксандр Адамавіч Федарцоў
Нараджэнне	24 верасня 1955 (70 гадоў); Валькі, Талачынскі сельсавет, Талачынскі раён, Віцебская вобласць, Беларуская ССР, СССР;
Грамадзянства	СССР; Беларусь;
Партыя	КПСС (1976—1991)
Адукацыя	юрыдычны факультэт БДУ;
Узнагароды	; ;

Аляксандр Адамавіч Федарцоў (нар. 24 верасня 1955(1955-09-24), Валькі, Віцебская вобласць) — беларускі дзяржаўны дзеяч, юрыст. Першы намеснік Старшыні Вярхоўнага Суда Рэспублікі Беларусь (2005—2014).

Біяграфія

Нарадзіўся 24 верасня 1955 года ў в. Валькі Талачынскага раёна Віцебскай вобласці ў сялянскай сям’і. Бацька — трактарыст, маці — палявая рабочая ў калгасе^[1].

У дзяцінстве марыў стаць лётчыкам^[1]. Са жніўня 1972 года па ліпень 1975 года з’яўляўся курсантам Харкаўскага вышэйшага ваеннага авіяцыйнага вучылішча лётчыкаў ВПС. Два гады лятаў, камісаваны па стане здароўя^[1].

У 1975 годзе выпадкова паступіў на юрыдычны факультэт Беларускага дзяржаўнага ўніверсітэта: сябар пераканаў, што прафесія цікавая, таму вырашыў паспрабаваць^[1]. Паколькі скончыў ваеннае вучылішча, то мог паступаць у любую ВНУ СССР без экзаменаў. На трэцім курсе пайшоў вывучаць следча-судова-пракурорскую спецыялізацыю і вырашыў стаць суддзёй^[1].

З кастрычніка 1976 года — член КПСС^[2].

У 1980 годзе скончыў юрыдычны факультэт Беларускага дзяржаўнага ўніверсітэта.

З 1980 года — стажор народнага суддзі суда Савецкага раёна г. Гомеля^[2]. З 25 кастрычніка 1981 года — народны суддзя Цэнтральнага раёна г. Гомеля^[2], з 1987 года — старшыня суда Савецкага раёна г. Гомеля.

Прымаў удзел у судзебным працэсе па справе аб гібелі ў сакавіку 1986 года ў Гомельскім цырку артысткі Ірыны Асмус^[1].

З 1991 года — суддзя Гомельскага абласнога суда. З 1997 года — начальнік упраўлення юстыцыі Гомельскага аблвыканкама. З 1998 года — старшыня Гомельскага абласнога суда.

З 2003 года — намеснік Старшыні, старшыня судовай калегіі па крымінальных справах Вярхоўнага Суда Рэспублікі Беларусь. З 2005 года па 30 снежня 2014 года^[3] — першы намеснік Старшыні Вярхоўнага Суда Рэспублікі Беларусь.

У 2011 годзе вёў працэс^[4] і вынес смяротны прысуд^[5] у дачыненні да Дзмітрыя Канавалава і Уладзіслава Кавалёва пасля тэракту на станцыі метро «Кастрычніцкая» у Мінску.

У 2012 годзе абраны намеснікам старшыні Беларускага рэспубліканскага саюза юрыстаў^[6].

З 1 студзеня 2015 года па 2023 год — суддзя Суда Еўразійскага эканамічнага саюза, у тым ліку з 1 студзеня 2015 года^[7] па снежань 2017 года^[8] — старшыня Суда Еўразійскага эканамічнага саюза^[9].

Дэлегат Усебеларускага народнага сходу 7-га склікання ад Беларускага грамадскага аб’яднання ветэранаў^[10].

Сям’я

Сын — Дзмітрый Аляксандравіч Федарцоў (нар. 1979) — беларускі юрыст, старшыня эканамічнага суда Магілёўскай вобласці (з 2024).
Унук — Дзяніс Дзмітрыевіч Федарцоў (нар. 2008).

Узнагароды

Ордэн Францыска Скарыны (2002)^[11],
Заслужаны юрыст Рэспублікі Беларусь (2012)^[12],
медаль «За ўклад у стварэнне Еўразійскага эканамічнага саюза» (2019)^[13].

Крыніцы

1 2 3 4 5 6 Инженерия человеческих душ: судья суда ЕАЭС Александр Федорцов о малой родине, людях и трудностях профессии
1 2 3 Выбары народнага суддзі // Гомельскі універсітэт. — 1981. — № 31 (480). — 31 кастрычніка. — С. 1.
↑ Указ Президента Республики Беларусь от 30 декабря 2014 года № 648 «Об освобождении от должности А. А. Федорцова»
↑ Вещдоки по делу о теракте в минском метро были продемонстрированы сегодня в суде
↑ Верховный Суд Республики Беларусь приговорил Д. Коновалова и В. Ковалева к смертной казни
↑ Съезд Белорусского республиканского союза юристов прошел в Минске (+фото)
↑ Федорцов стал председателем Суда ЕАЭС
↑ Судьи
↑ Судьи
↑ Федорцов Александр Адамович
↑ Указ Прэзідэнта Рэспублікі Беларусь ад 15 лютага 2002 года № 111 «Аб узнагароджанні суддзяў судоў і работнікаў органаў юстыцыі дзяржаўнымі ўзнагародамі Рэспублікі Беларусь»
↑ Указ Прэзідэнта Рэспублікі Беларусь ад 9 лютага 2012 года № 57 «Аб узнагароджанні дзяржаўнымі ўзнагародамі Рэспублікі Беларусь»
↑ Решение Высшего Евразийского экономического совета от 29 мая 2019 г. № 3 «О награждении медалью «За вклад в развитие Евразийского экономического союза»»

[gp-1] 1 2 3 4 5 6 Инженерия человеческих душ: судья суда ЕАЭС Александр Федорцов о малой родине, людях и трудностях профессии

[gsu-2] 1 2 3 Выбары народнага суддзі // Гомельскі універсітэт. — 1981. — № 31 (480). — 31 кастрычніка. — С. 1.

[3] Указ Президента Республики Беларусь от 30 декабря 2014 года № 648 «Об освобождении от должности А. А. Федорцова»

[4] Вещдоки по делу о теракте в минском метро были продемонстрированы сегодня в суде

[5] Верховный Суд Республики Беларусь приговорил Д. Коновалова и В. Ковалева к смертной казни

[6] Съезд Белорусского республиканского союза юристов прошел в Минске (+фото)

[7] Федорцов стал председателем Суда ЕАЭС

[8] Судьи

[9] Судьи

[10] Федорцов Александр Адамович

[11] Указ Прэзідэнта Рэспублікі Беларусь ад 15 лютага 2002 года № 111 «Аб узнагароджанні суддзяў судоў і работнікаў органаў юстыцыі дзяржаўнымі ўзнагародамі Рэспублікі Беларусь»

[12] Указ Прэзідэнта Рэспублікі Беларусь ад 9 лютага 2012 года № 57 «Аб узнагароджанні дзяржаўнымі ўзнагародамі Рэспублікі Беларусь»

[13] Решение Высшего Евразийского экономического совета от 29 мая 2019 г. № 3 «О награждении медалью «За вклад в развитие Евразийского экономического союза»»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]