Аляксандр Адзіслававіч Жураўлевіч

З пляцоўкі Вікіпедыя
Перайсці да навігацыі Перайсці да пошуку
Аляксандр Адзіслававіч Жураўлевіч
Дата нараджэння 28 красавіка 1963(1963-04-28)
Месца нараджэння
Дата смерці 30 жніўня 2009(2009-08-30) (46 гадоў)
Месца смерці
Месца пахавання
Альма-матар
Грамадзянства
Прыналежнасць СССР
Беларусь
Род войскаў Ваенна-паветраныя сілы Беларусі
Гады службы ? — 2009
Званне палкоўнік
Камандаваў намеснік камандзіра 61-й знішчальнай авіяцыйнай базы па лётнай падрыхтоўцы ў Баранавічах
Узнагароды і званні
ордэн «За асабістую мужнасць» медаль «За бездакорную службу» I ступені медаль «За бездакорную службу» II ступені юбілейны медаль «80 год Узброеных Сіл Рэспублікі Беларусь» юбілейны медаль «70 гадоў Узброеных Сіл СССР» юбілейны медаль «90 год Узброеных Сіл Рэспублікі Беларусь»

Аляксандр Адзіслававіч Жураўлевіч (28 мая 1963, п. Крэмава, Міхайлаўскі раён, Прыморскі край, РСФСР — 30 жніўня 2009 года, ля Радама) — беларускі ваенны лётчык першага класа[1], палкоўнік, намеснік начальніка 61-й знішчальнай авіяцыйнай базы па лётнай падрыхтоўцы ў Баранавічах. Загінуў падчас выканання фігуры пілатажу на Radom Air Show 2009[2].

Біяграфія[правіць | правіць зыходнік]

У 1984 годзе скончыў Чарнігаўскае вышэйшае ваеннае вучылішча лётчыкаў[3].

Быў кіраўнікам другой у гісторыі Беларусі авіяцыйнай акрабатычнай групы «Крылы Беларусі», якая была арганізавана на пачатку 2009 года[4]. Меў 1620 гадзін налёту[5].

Беларускі Су-27УБМ-1 на авіяшоў у Радаме за 15 хвілін да катастрофы

30 жніўня 2009 года разам з палкоўнікам Аляксандрам Марфіцкім пілатаваў Су-27УБМ-1 падчас міжнароднага авіяшоў Radom Air Show 2009 у Радаме. Лётчыкі выконвалі фігуру пілатажу, самалёт пачаў рэзка зніжацца. Ёсць інфармацыя, што пілоты паведамілі пра аварыю і атрымалі з вышкі кіравання загад катапультавацца, але яго не выканалі, магчыма з-за таго што самалёт быў блізка да гледачоў або жылых пабудоў. Самалёт упаў ля лесу за аэрапортам, паміж вёскамі Малэнчын і Макаў, каля 100 метраў ад дамоў[6][7][8].

Урачыстыя пахаванні лётчыка на могілках Русіно ў Баранавічах адбыліся з удзелам міністра абароны Рэспублікі Беларусь, камандзіра паветраных войскаў Польшчы і архіепіскапа Мірона, праваслаўнага ардынарыя Войска Польскага[9].

Узнагароды[правіць | правіць зыходнік]

Узнагароджаны медалём «За бездакорную службу» II ступені (1998)[10] і I ступені (2006)[11]. Пасмяротна ўзнагароджаны ордэнам «За асабістую мужнасць» (2010)[12].

Памяць[правіць | правіць зыходнік]

28 верасня 2009 года Рада гміны Гузд прыняла ўхвалу пастанову аб будаўніцтве помніка лётчыкам[13]. Помнік быў адкрыты 11 красавіка 2010 года[14].

Прозвішча лётчыка таксама згаданая на памятнай шыльдзе ў каталіцкім гарнізонным касцёле ў Радаме, дзе згаданыя імёны ўсіх 32 лётчыкаў, якія загінулі ў 1935—2009 гадах, распачаўшы свой апошні палёт з аэрадрома Радам-Садкаў[15].

Гл. таксама[правіць | правіць зыходнік]

Зноскі

  1. «Нашы хлопцы ведаюць, чаго хочуць у жыцці» Архівавана 12 жніўня 2011. // Ірына Прымак, «Звязда», 23.06.2007
  2. Трагедыя на авіяшоў у Польшчы // Наша Ніва, 30.08.2009
  3. Погибшие летчики на двоих имели более четырех тысяч часов налета Архівавана 3 верасня 2009. (руск.) 
  4. Крылы Беларусі (руск.)  // Белорусское время
  5. Они улетели навсегда // Советская Белоруссия, 1 верасня 2009
  6. Pilot poświęcił życie, by nie spaść na widownię? (польск.)  // TVN.24.pl, 30.08.2009
  7. Radom w żałobie. Prezydent i MON składają kondolencje (польск.)  // WP.pl, 30.08.2009
  8. Wypadek na Air Show w Radomiu (польск.)  // Gazeta Wyborcza, 30.08.2009
  9. У Баранавічах пахавалі пілотаў // Радыё Свабода, 3 верасня 2009
  10. Указ Президента Республики Беларусь от 10 декабря 1998 г. № 604 «Аб узнагароджанні групы ваеннаслужачых і асоб начальніцкага складу органаў унутраных спраў медалём „За бездакорную службу“ I, II, III ступені»
  11. Указ Президента Республики Беларусь от 29 декабря 2006 г. № 751 «Аб узнагароджанні медалём „За бездакорную службу“ I, II, III ступені»(недаступная спасылка)
  12. Указ Прэзідэнта Рэспублікі Беларусь ад 9 сакавіка 2010 г. № 144 «Аб узнагароджанні дзяржаўнымі ўзнагародамі Рэспублікі Беларусь»(недаступная спасылка)
  13. Uchwała Nr XLVI/217/2009 Rady Gminy Gózd z dnia 28 września 2009 r. (польск.) 
  14. Помнік беларускім лётчыкам урачыста адкрыты ў польскім Радаме // Наша Ніва, 11 красавіка 2010
  15. Wystartowali z Sadkowa i zginęli Архівавана 6 жніўня 2016. // LotniczaPolska.pl, 26.03.2010 (польск.)