Аляксандр Аляксандравіч Радкевіч

З Вікіпедыі, свабоднай энцыклапедыі
Аляксандр Аляксандравіч Радкевіч
Дата нараджэння 23 красавіка 1876(1876-04-23)
Дата смерці 1917 ці пачатак 1918
Грамадзянства  Расійская імперыя
Адукацыя Імператарскае вучылішча правазнаўства
Веравызнанне Праваслаўе
Партыя Рускі збор
Род дзейнасці палітык

Аляксандр Аляксандравіч Радкевіч (23 красавіка (5 мая) 1876 — канец 1917 ці пачатак 1918) — расійскі дзяржаўны і палітычны дзеяч, рускі нацыяналіст, дэпутат Дзяржаўнай думы Расійскай імперыі IV склікання ад Магілёўскай губерні. Уваходзіў у фракцыю правых.

Патомны дваранін, меў тытул стацкага саветніка, валодаў 890 дзесяцінамі зямлі. Скончыў Імператарскае вучылішча правазнаўства (1897), працаваў старэйшым справаводам Дзяржаўнай канцылярыі, карэспандэнтам Галоўнага конезаводства па Магілёўскай губерніі. На працягу трох тэрмінаў абіраўся ганаровым міравым суддзёй па Быхаўскім ўездзе. Таксама быў галосным земскіх збораў Магілёўскай губерні і Быхаўскага ўезда.

У 1912 годзе абраны дэпутатам Дзяржаўнай думы IV склікання. У Думе ўступіў у фракцыю правых, стаў прымаць удзел у працы патрыятычных арганізацый — Рускага сабрання, Усерасійскага Філарэтаўскага таварыства народнай адукацыі. Пасля расколу фракцыі правых у 1916 годзе стаў таварышам старшыні групы незалежных правых.