Аляксандр Васільевіч Бадакоў

Аляксандр Васільевіч Бадакоў
Дата нараджэння	23 лютага 1926(1926-02-23)
Месца нараджэння	Бахараўка, Рослаўскі павет, Смаленская губерня, РСФСР, СССР
Дата смерці	29 верасня 2014(2014-09-29) (88 гадоў)
Грамадзянства	СССР
Род дзейнасці	навуковец
Навуковая сфера	філасофія
Месца працы	Інстытут філасофіі НАН Беларусі Мінскі дзяржаўны педагагічны інстытут імя А. М. Горкага Гродзенскі дзяржаўны ўніверсітэт імя Янкі Купалы Беларускі дзяржаўны ўніверсітэт культуры і мастацтваў
Навуковая ступень	кандыдат філасофскіх навук
Навуковае званне	прафесар
Альма-матар	БДУ

Аляксандр Васільевіч Бадакоў (23 лютага 1926, в. Бахараўка, Рослаўльскі раён, Смаленская вобласць — 29 верасня 2014) — беларускі філосаф. Кандыдат філасофскіх навук (1958), прафесар (1978).

Біяграфія

Скончыў БДУ ў 1950. У 1950—1954 гадах — на камсамольскай працы, у 1958—1960 гадах — навуковы супрацоўнік Інстытута філасофіі і права АН БССР, у 1962—1973 гадах — загадчык кафедры філасофіі Мінскага педагагічнага інстытута, у 1973—1978 гадах — рэктар Гродзенскага педагагічнага інстытута, у 1978—1994 гадах — рэктар Гродзенскага ўніверсітэта, у 1994—1998 — прафесар кафедры філасофіі Гродзенскага ўніверсітэта, у 1998—2008 — прафесар, загадчык кафедры філасофіі Беларускага дзяржаўнага ўніверсітэта культуры і мастацтваў.

Навуковая дзейнасць

Навуковыя працы па праблемах свядомасці, пазнання, сацыяльных наступстваў НТР, камуністычнага выхавання.