Перайсці да зместу

Аляксандр Васільевіч Шакуцін

З Вікіпедыі, свабоднай энцыклапедыі
Аляксандр Васільевіч Шакуцін
Нараджэнне 12 студзеня 1959(1959-01-12)[1] (65 гадоў)
Член у
Адукацыя
Месца працы
Узнагароды

Аляксандр Васільевіч Шакуцін (нар. 12 студзеня 1959, в. Вялікае Бабіна Аршанскага раёна Віцебскай вобласці) — беларускі прадпрымальнік, член Савета Рэспублікі Нацыянальнага сходу Рэспублікі Беларусь 4-га і 5-га скліканняў. Фігурант санкцыйных спісаў ЕС, Вялікабрытаніі, шэрагу іншых краін.

Біяграфія

[правіць | правіць зыходнік]

Скончыў Мінскі дзяржаўны медыцынскі інстытут, урач-лячэбнік.

Працоўную дзейнасць пачаў у калгасе «Радзіма» Аршанскага раёна. Быў намеснікам сакратара камітэта камсамола Мінскага дзяржаўнага медыцынскага інстытута. Быў загадчыкам 1-га хірургічнага аддзялення 10-й Мінскай гарадской клінічнай бальніцы, галоўным урачом медсанчасці, дырэктарам медыцынскага цэнтра Мінскага ордэна Леніна і ордэна Кастрычніцкай Рэвалюцыі трактарнага завода. Быў прэзідэнтам Міжнароднай медыцынскай асацыяцыі «Здароўе і прыгажосць», навукова-вытворчага аб’яднання «Праммедінвест», генеральным дырэктарам закрытага акцыянернага таварыства «Праммедінвест», намеснікам генеральнага дырэктара па пытаннях перспектыўнага развіцця закрытага акцыянернага таварыства «Праммедінвест», старшынёй савета дырэктараў адкрытага акцыянернага таварыства «„Амкадор“ — кіруючая кампанія холдынга».

Намеснік генеральнага дырэктара па пытаннях перспектыўнага развіцця закрытага акцыянернага таварыства «ПМІ ГРУП», старшыня савета дырэктараў адкрытага акцыянернага таварыства «„Амкадор“ — кіруючая кампанія холдынга».

Старшыня праўлення рэспубліканскага грамадскага аб’яднання «Беларуская тэнісная федэрацыя». Член Нацыянальнага алімпійскага камітэта Рэспублікі Беларусь. Член Савета па развіцці прадпрымальніцтва ў Рэспубліцы Беларусь. Член прэзідыума рэспубліканскага грамадскага аб’яднання «Белая Русь».

Выбіраўся членам Савета Рэспублікі Нацыянальнага сходу Рэспублікі Беларусь 4-га і 5-га скліканняў[2].

Ганаровы консул Бангладэш у Беларусі[3].

Міжнародныя санкцыі

[правіць | правіць зыходнік]

17 снежня 2020 года Еўрапейскі савет пашырыў Чорны спіс Еўрасаюза ў тым ліку за кошт Шакуціна[4][5]. Санкцыі прадугледжвалі забарону на ўезд у Еўрасаюз і замарозку актываў[6]. Пры абгрунтаванні ўвядзення санкцый адзначалася, што Шакуцін атрымлівае выгаду ад падтрымкі рэжыму Лукашэнкі ў выніку прыватызацыі дзяржаўнай уласнасці, а таксама з’яўляецца членам арганізацыі «Белая Русь», якая падтрымлівае Лукашэнку[4]. 26 студзеня 2021 года да санкцый ЕС далучыліся Албанія, Ісландыя, Ліхтэнштэйн, Нарвегія, Паўночная Македонія, Чарнагорыя[7]. Таксама Шакуціна ў свае санкцыйныя спісы ўключылі Вялікабрытанія[8], Швейцарыя[9][10].

21 чэрвеня 2021 года ў Чорны спіс Еўрасаюза ўнеслі і кампанію «Логекс», як мяркуецца, звязаную з Шакуціным[11].

У 2022 годзе Шакуцін і «Амкадор» трапілі пад санкцыі Канады[12][13] і Украіны[14][15].

5 снежня 2023 года Шакуціна і «Амкадор» дадалі ў спіс спецыяльна прызначаных грамадзян і заблакіраваных асоб ЗША[16][17].

Рэакцыя на санкцыі

[правіць | правіць зыходнік]

У студзені 2023 года Беларускі расследавальніцкі цэнтр заявіў, што паводле яго расследавання, кампанія Шакуціна па-ранейшаму займаецца бізнэсам у Германіі нават пасля ўвядзення еўрапейскіх санкцый супраць Шакуціна[18]. Восенню 2023 года БРЦ выпусціў два новыя расследаванні, прысвечаныя меркаванаму абыходу заходніх санкцый кампаніямі Шакуціна[19][20].

7 чэрвеня 2023 года Еўрапейскі суд адхіліў пазоў Шакуціна аб зняцці санкцый ЕС[21].

Узнагароды

[правіць | правіць зыходнік]

Мае Падзяку Прэзідэнта Рэспублікі Беларусь. Узнагароджаны медалём «За працоўныя заслугі», юбілейнымі медалямі, Ганаровай граматай Нацыянальнага сходу Рэспублікі Беларусь[22].

Зноскі

  1. ↑ http://amkodor.by/about/structure/board_directors/shakutin-aleksandr-vasilevich/
  2. ↑ Шакуцін Аляксандр Васільевіч Архівавана 18 жніўня 2020.
  3. ↑ Навошта вярхі беларускага бізнесу ідуць у "ганаровыя консулы". Еўрапейскае радыё для Беларусі (12 студзеня 2021).
  4. ↑ а б Council Implementing Regulation (EU) 2020/2129 of 17 December 2020 implementing Article 8a(1) of Regulation (EC) No 765/2006 concerning restrictive measures in respect of Belarus
  5. ↑ Jozwiak, Rikard. EU Officially Slaps More Economic Sanctions On Belarus Over Crackdown (англ.). Радыё Свабодная Еўропа/Радыё Свабода (17 снежня 2020). Архівавана з першакрыніцы 21 ліпеня 2021. Праверана 21 ліпеня 2021.
  6. ↑ Новые санкции ЕС против белорусских властей. Кто попал под удар(недаступная спасылка). Архівавана з першакрыніцы 17 снежня 2020. Праверана 21 ліпеня 2021.
  7. ↑ Declaration by the High Representative on behalf of the European Union on the alignment of certain countries concerning restrictive measures against Belarus (англ.). Савет Еўрапейскага саюза (26 студзеня 2021). Праверана 9 верасня 2021.
  8. ↑ CONSOLIDATED LIST OF FINANCIAL SANCTIONS TARGETS IN THE UK (англ.). Office of Financial Sanctions Implementation HM Treasury (25 чэрвеня 2021).
  9. ↑ Shields, Michael; Liffey, Kevin. Swiss widen sanctions list against Belarus (англ.). Reuters (7 ліпеня 2021). Архівавана з першакрыніцы 7 ліпеня 2021. Праверана 10 ліпеня 2021.
  10. ↑ Sanctions program: Belarus: Verordnung vom 11. Dezember 2020 über Massnahmen gegenüber Belarus (SR 946.231.116.9), Anhang 1 Origin: EU Sanctions: Art. 2 Abs. 1 (Finanzsanktionen) und Art. 3 Abs. 1 (Ein- und Durchreiseverbot) (англ.). Дзяржаўны сакратарыят па эканамічных пытаннях  (ням.) (бел. (7 ліпеня 2021). Архівавана з першакрыніцы 7 ліпеня 2021. Праверана 10 ліпеня 2021.
  11. ↑ Official Journal of the European Union
  12. ↑ Канада ўвяла санкцыі супраць Тапузідзіса, Баскіна, Шакуціна і Пефціева. Новы Час (6 красавіка 2022). Праверана 12 красавіка 2023.
  13. ↑ Regulations Amending the Special Economic Measures (Belarus) Regulations: SOR/2022-49 (англ.). Canada Gazette (30 сакавіка 2022). Праверана 12 красавіка 2023.
  14. ↑ ШАКУТІН Олександр Васильович(недаступная спасылка). Архівавана з першакрыніцы 12 красавіка 2023. Праверана 12 красавіка 2023.
  15. ↑ Відкрите акціонерне товариство «Амкодор» — Керуюча компанія холдингу"(недаступная спасылка). Архівавана з першакрыніцы 12 красавіка 2023. Праверана 12 красавіка 2023.
  16. ↑ Тапузідзіс, Шаўцоў, Шакуцін… ЗША ўвялі новыя санкцыі супраць фізічных і юрыдычных асоб Беларусі. Наша Ніва (5 снежня 2023).
  17. ↑ Russia-related Designations; Belarus Designations; Issuance of Belarus General License (англ.). Міністэрства фінансаў ЗША (5 снежня 2023). Праверана 6 снежня 2023.
  18. ↑ БРЦ: Аляксандр Шакуцін працягвае зарабляць мільёны даляраў у Еўропе, нягледзячы на накладзеныя санкцыі. Наша Ніва (27 студзеня 2023). Праверана 14 мая 2024.
  19. ↑ Раман Шавель. Уладальнік «Амкадора» зарабляе грошы на абыходзе санкцыяў пад выглядам імпартазамяшчэння. Белсат (13 верасня 2023). Праверана 1 чэрвеня 2024.
  20. ↑ Сяргей Крот. Набліжанага да Лукашэнкі бізнесоўца злавілі на шэрым імпарце ў Беларусь заходняй тэхнікі. Белсат (18 кастрычніка 2023). Праверана 1 чэрвеня 2024.
  21. ↑ Суд Эўразьвязу адхіліў пазоў беларускага бізнэсоўца Шакуціна, які патрабаваў зьняць санкцыі (бел. (тар.)). Беларуская служба Радыё «Свабода» (7 чэрвеня 2023).
  22. ↑ ПАРЛАМЕНТ — Нацыянальны сход Рэспублікі Беларусь пятага склікання Архівавана 20 кастрычніка 2021.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Аляксандр_Васільевіч_Шакуцін&oldid=4771800"