Аляксандр Паўлавіч Валадзько

З пляцоўкі Вікіпедыя
Jump to navigation Jump to search
Футбол
Аляксандр Валадзько
Alaksandar Vaładźko 2012 BLR.jpg
Агульная інфармацыя
Поўнае імя Аляксандр Паўлавіч Валадзько
Нарадзіўся 18 чэрвеня 1986(1986-06-18)[1] (32 гады)
Грамадзянства Сцяг Беларусі Беларусь
Рост 177 см
Вага 76 кг
Пазіцыя паўабаронца
Інфармацыя пра клуб
Клуб Сцяг Беларусі Шахцёр
Нумар 17
Кар’ера
Клубная кар’ера*
2004 — 2008 Сцяг Беларусі Дынама (Брэст) 62 (3)
2008   Сцяг Беларусі БАТЭ (Барысаў) 10 (0)
2009 — 2017 Сцяг Беларусі БАТЭ (Барысаў) 202 (15)
2018 Сцяг Казахстана Шахцёр (Караганда) 26 (1)
2019 — Сцяг Беларусі Шахцёр (Салігорск)
Нацыянальная зборная**
2006 — 2009 Сцяг Беларусі Беларусь (да 21) 28 (1)
2012 — 2014 Сцяг Беларусі Беларусь 9 (1)
Міжнародныя медалі
Дзяржаўныя і ведамасныя ўзнагароды
Нагрудны знак адрознення Майстар спорту Рэспублікі Беларусь міжнароднага класа.png

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 20 снежня 2018.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 22 мая 2014.

Алякса́ндр Па́ўлавіч Валадзько́ (нар. 18 чэрвеня 1986, Моталь, Іванаўскі раён) — беларускі футбаліст, паўабаронца салігорскага «Шахцёра» і былы ігрок нацыянальнай зборнай Беларусі.

Кар’ера[правіць | правіць зыходнік]

Клубная[правіць | правіць зыходнік]

Выхаванец брэсцкага футбола, з 2005 года пачаў прабівацца ў асноўную каманду мясцовага «Дынама». У сезоне 2007 замацаваўся ў асноўным складзе дынамаўцаў, дапамог ім атрымаць перамогу ў Кубку Беларусі.

У жніўні 2008 года барысаўскі БАТЭ, які шукаў узмацнення перад удзелам у групавым этапе Лігі чэмпіёнаў, узяў у арэнду маладога паўабаронцу. У барысаўскім клубе Валадзько прыйшоўся да справы, і па заканчэнні сезону быў выкуплены БАТЭ, хоць «Дынама» і лічыла гэты пераход незаконным[2].

У Барысаве стаў дзейначаць у цэнтры поля, ад апорнай зоны да пазіцыі «пад нападнікам». Часам вызначаўся галамі здалёк: так, 6 лістапада 2009 года ў матчы Лігі Еўропы супраць грэчаскага АЕКа, запрыкмеціўшы далёкі выхад брамніка супернікаў, адважыўся на ўдар, які апынуўся голам. 19 верасня 2012 года забіў першы гол у браму «Ліля», які дапамог БАТЭ атрымаць першую ў гісторыі перамогу ў групавым этапе Лігі чэмпіёнаў (3:1).

У сезоне 2011 часам выкарыстоўваўся на пазіцыі правага абаронцы, дзе, аднак, адчуваў сябе няўтульна. Гуляючы на гэтай пазіцыі 28 верасня 2011 года ў хатнім матчы Лігі чэмпіёнаў супраць «Барселоны», здолеў адкрыць лік у матчы, паразіўшы, аднак, уласную браму (выніковы лік 0:5).

У жніўні 2012 года падоўжыў кантракт з БАТЭ да 2015 года. У першай палове сезону 2015 адсутнічаў з-за траўмы, але са жніўня вярнуў месца ў стартавым складзе.

У снежні 2015 года падоўжыў кантракт з барысаўчанамі[3]. У першай палове сезону 2016 рэдка з’яўляўся на полі, але пачынаючы з ліпеня зноў стаў трывала з’яўляцца ў стартавым складзе. У пачатку сезону 2017 не меў трывалага месца ў аснове, але ў маі замацаваўся ў стартавым складзе ў цэнтры паўабароны. У студзені 2018 года па заканчэнні кантракта пакінуў БАТЭ[4].

Неўзабаве пасля зыходу з БАТЭ накіраваўся ў склад карагандзінскага «Шахцёра» і падпісаў кантракт з казахстанскім клубам[5]. У складзе «Шахцёра» стаў гуляць у стартавым складзе. У лістападзе 2018 года стала вядома, што карагандзінскі клуб на будзе падаўжаць кантракт з беларускім паўабаронцам[6].

У снежні 2018 года вярнуўся ў Беларусь, стаўшы іграком салігорскага «Шахцёра»[7].

Міжнародная[правіць | правіць зыходнік]

Выступаў за моладзевую зборную Беларусі на чэмпіянаце Еўропы 2009 у Швецыі.

12 кастрычніка 2012 года дэбютаваў у нацыянальнай зборнай Беларусі ў адборачным матчы чэмпіянату свету супраць Іспаніі.

Дасягненні[правіць | правіць зыходнік]

Зноскі

Спасылкі[правіць | правіць зыходнік]