Аляксандр Фёдаравіч Рыціх

Аляксандр Фёдаравіч Рыціх
Дата нараджэння	5 ліпеня 1831(1831-07-05)
Месца нараджэння	Расія
Дата смерці	1914
Месца смерці	Царскае Сяло, Царскасельскі павет[d], Санкт-Пецярбургская губерня, Расійская імперыя
Род дзейнасці	картограф, палітык
Альма-матар	Акадэмія Генеральнага штаба[d]
Аляксандр Фёдаравіч Рыціх на Вікісховішчы

Аляксандр Фёдаравіч Рыціх (руск.: Александр Фёдорович Риттих; 5 ліпеня 1831, Пецярбургская губерня — пасля 1900) — рускі этнограф, ваенны картограф. Генерал-лейтэнант (1891).

Біяграфія

Нарадзіўся 5 ліпеня 1831 года. Скончыў Інжынерную акадэмію (1853 г.) і Акадэмію Генштаба (1858 г.). Стаяў на пазіцыях вялікадзяржаўнага шавінізму. Аўтар «Атласа народонаселения Западнорусского края по вероисповеданиям и национальностям» (СПб.,1863), у якім усё славянскае мясцовае насельніцтва каталіцкага веравызнання ім было аднесена пераважна да палякаў, праваслаўнае лічылася рускім. Ні традцыі культуры, ні моўныя асаблівасці ім пад увагу не прымаліся. Найбольш каштоўныя яго карты з этнічнай статыстыкай Беларусі, некаторых абласцей Расіі, замежных славянскіх народаў («Этнографическая карта Европейской России». СПб., 1875). Яго працы, прысвечаныя Заходняму краю («Материалы для этнографии Царства Польского: Люблинская и Августовская губернии». СПб., 1864) і іншыя, мелі апісальны характар.