Аляксандр Эйг

Аляксандр Эйг
іўр.: אלכסנדר איג
Дата нараджэння	1894[…]
Месца нараджэння	Шчадрын, Бабруйскі павет, Мінская губерня, Расійская імперыя
Дата смерці	30 ліпеня 1938(1938-07-30)
Месца смерці	Іерусалім, Брытанскі мандат у Палесціне, Вялікабрытанія
Месца пахавання	Яўрэйскія могілкі на Маслічнай гары[d]
Грамадзянства	Расійская імперыя  Брытанскі мандат у Палесціне  Ізраіль
Род дзейнасці	батанік, педагог, батанічны калекцыянер
Навуковая сфера	батаніка
Месца працы	Яўрэйскі ўніверсітэт у Іерусаліме
Альма-матар	Яўрэйскі ўніверсітэт у Іерусаліме Herzliya Hebrew Gymnasium[d]
Медыяфайлы на Вікісховішчы

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Eig». Спіс такіх таксонаў на сайце IPNI Персанальная старонка на сайце IPNI Старонка на Віківідах

Аляксандр Эйг (1894, Шчадрын, Мінская губерня, цяпер у Жлобінскім раёне Гомельскай вобласці Беларусі — 30 ліпеня 1938, Іерусалім) — палесцінскі батанік яўрэйскага паходжання, глава кафедры батанікі Яўрэйскага ўніверсітэта ў Іерусаліме і заснавальнік Нацыянальнага батанічнага саду Ізраіля на гары Скопус.

Біяграфія

Батанік доктар Александр Эйг саджае першае дрэва ў садзе, 1931

Эйг Александр нарадзіўся ў мястэчку Шчадрын Мінскай губерні. У 1909 эміграваў у Эрэц-Ісраэль. Вывучаў батаніку ў Яўрэйскім універсітэце ў Іерусаліме. У 1926—1938 — загадчык аддзелам батанікі Эксперыментальнай сельскагаспадарчай станцыі (з 1929 — у складзе Яўрэйскага ўніверсітэта). У 1931 заснаваў Батанічны сад на Гары Скопус. З 1932 выкладаў батаніку ў Яўрэйскім універсітэце ў Іерусаліме.

У 1931—1933 — удзельнік навуковай экспедыцыі па Сірыі, Турцыі і Іраку. Калекцыя Эйга паслужыла асновай для гербарыя біялагічнага факультэта Яўрэйскага ўніверсітэта ў Іерусаліме. Вёў даследаванні ў вобласці агульнай батанікі, геабатанікі. Упершыню апублікаваў апісанне многіх відаў раслін, табліцу фітагеаграфічных абласцей (1931). Сярод яго прац — «Унёсак у пазнанне флоры Эрэц-Ісраэль» (1926), «Расліннасць Эрэц-Ісраэль» (1927), «Расліннасць пояса светлых глеб прыбярэжнай раўніны Эрэц-Ісраэль» (1939).

Спасылкі

• На Вікісховішчы ёсць медыяфайлы па тэме Аляксандр Эйг
• Эйг Александр — артыкул з Расійскай яўрэйскай энцыклапедыі