Аляксей Ігнатавіч Мікуліч

Аляксей Ігнатавіч Мікуліч
Дата нараджэння	19 снежня 1934(1934-12-19)
Месца нараджэння	Жарабковічы, Баранавіцкі павет, Навагрудскае ваяводства, Польская Рэспубліка
Дата смерці	12 студзеня 2021(2021-01-12) (86 гадоў)
Грамадзянства	СССР  Беларусь
Род дзейнасці	антраполаг
Навуковая сфера	антрапалогія
Месца працы	Міністэрства сацыяльнага забеспячэння БССР Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	доктар біялагічных навук
Альма-матар	Мінскі медыцынскі інстытут (1963)
Прэміі

Аляксей Ігнатавіч Мікуліч (19 снежня 1934, в. Жарабковічы, Ляхавіцкі раён — 12 студзеня 2021) — беларускі антраполаг. Доктар біялагічных навук (1991).

Біяграфія

Скончыў Мінскі медыцынскі інстытут (1963). У 1963—1966 гг. у Міністэрстве сацыяльнага забеспячэння БССР, з 1969 г. у Інстытуце мастацтвазнаўства, этнаграфіі і фальклору НАН Беларусі. Вывучае заканамернасць зменлівасці генетыка-антрапалагічных і адаптыўных тыпаў, генадэмаграфічных працэсаў сярод насельніцтва Беларусі і сумежных тэрыторый. Адзін з аўтараў прац «Нарысы па антрапалогіі Беларусі» (1976), «Антрапалогія Беларускага Палесся» (1978), «Біялагічнае і сацыяльнае у фарміраванні антрапалагічных асаблівасцяў» (1981), «Спадчынныя і сацыяльна-гігіенічныя фактары даўгалецця» (1986). Дзяржаўная прэмія Беларусі (1998).

Літаратура

• Аляксею Ігнатавічу Мікулічу — 80 гадоў! // Актуальные вопросы антропологии. Сборник научных трудов. Вып. 10 — Мн. Беларуская навука, 2015. — С. 578—581.
• Мікуліч Аляксей Ігнатавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары. — 544 с. — 10 000 экз. — ISBN 985-11-0169-9 (т. 10), ISBN 985-11-0035-8. — С. 365.
• Мікуліч Аляксей Ігнатавіч // Энцыклапедыя гісторыі Беларусі : у 6 т. — Мінск. 1999. Т. 5. — С. 140.
• Семенякоў В. С. Мікуліч Аляксей Ігнатавіч // Этнаграфія Беларусі : энцыклапедыя. — Мінск, 1989. — С. 316.