Аляксей Гаўрылавіч Качаткоў

З пляцоўкі Вікіпедыя
Jump to navigation Jump to search
Аляксей Гаўрылавіч Качаткоў
Дата нараджэння 30 сакавіка 1918(1918-03-30)
Месца нараджэння
Дата смерці 15 лістапада 1942(1942-11-15) (24 гады)
Месца смерці
Прыналежнасць Flag of the Soviet Union.svg СССР
Гады службы 19381942
Званне
Лейтэнант
Камандаваў партызанскай ротай
Бітвы/войны Польскі паход РСЧА (1939),
Савецка-фінская вайна,
Вялікая Айчынная вайна
Узнагароды і прэміі
Медаль «Залатая Зорка»
Ордэн Леніна

Аляксей Гаўрылавіч Качаткоў (1918—1942) — Герой Савецкага Саюза, удзельнік Вялікай Айчыннай вайны, ураджэнец Чаплыгінскага раёна Ліпецкай вобласці, актыўны ўдзельнік партызанскай барацьбы на Украіне, камандзір партызанскай роты.

Біяграфія[правіць | правіць зыходнік]

А. Г. Качаткоў нарадзіўся 30 сакавіка 1918 года ў вёсцы Салавое цяпер Чаплыгінскага раёна Ліпецкай вобласці ў сялянскай сям’і. З ранніх гадоў працаваў рамонтнікам і грузчыкам на станцыі Калінінскай жалезнай дарогі, а з 1937 года — слесарам у Маскоўскім інстытуце горнай прамысловасці.

У 1938 годзе прызваны ў шэрагі Чырвонай Арміі. Быў накіраваны на вучобу ў артылерыйскае вучылішча. Удзельнічаў паходзе Чырвонай Арміі ў Заходнюю Украіну і Заходнюю Беларусь. Удзельнік савецка-фінскай вайны, прымаў удзел у штурме Выбарга.

З пачаткам Вялікай Айчыннай вайны, вайсковую частку, у якой служыў лейтэнант А. Г. Качаткоў, перакінулі на Усходні фронт. У баях пад Смаленскам ён трапіў у акружэнне, але не склаў зброю. Сабраўшы такіх жа, як сам, патрыётаў, А. Г. Качаткоў аб’яднаў іх у атрад, які налічваў 35 чалавек, і пачаў партызанскую барацьбу.

У лістападзе 1941 года з разрозненых партызанскіх атрадаў А. Г. Качаткоў сабраў і ўзначаліў роту, якая ўвайшла затым у буйное партызанскае злучэнне.

У чэрвені 1942 год акупанты пасля доўгіх беспаспяховых спробаў выбіць партызан з лесу паблізу Ямпаля вырашылі ў парушэнне міжнародных пагадненняў прымяніць артылерыю з газавымі снарадамі. Выхад быў адзін — захапіць пасёлак Ямпаль і абясшкодзіць небяспечную зброю.

Партызаны пад камандаваннем А. Г. Качаткова у адным з баёў пад вёскай Антонаўка адцягнулі на сябе падраздзяленні эсэсаўскай палка і разграмілі іх. Рота А. Г. Качаткова першай ўварвалася ў Ямпаль. Неўзабаве акупанты ў Ямпале былі знішчаны. Смяротныя хімічныя снарады апынуліся ў руках партызан і былі абясшкоджаныя.

У кастрычніку 1942 года партызаны па загаду камандавання выступілі ў рэйд з Бранскіх лясоў на Правабярэжную Украіну. 7 лістапада 1942 года яны падышлі да Дняпра ў раёне горада Лоеў. Першай фарсіравала раку рота А. Г. Качаткова. Пераправіўшыся праз раку, партызаны захапілі шэраг населеных пунктаў на правым беразе і на працягу двух сутак адбівалі атакі гітлераўцаў. Дзякуючы мужным дзеянням А. Г. Качаткова пераправа прайшла паспяхова.

У ноч з 14 на 15 лістапада 1942 года партызаны завязалі бой з фашысцкім гарнізонам райцэнтра Хойнікі. Бой доўжыўся 14 гадзін і скончыўся перамогай партызан. Варожы гарнізон быў разгромлены, на вуліцах горада засталося больш за 200 забітых гітлераўцаў. У гэтым баі па-геройску загінуў камандзір роты Аляксей Гаўрылавіч Качаткоў.

Узнагароды[правіць | правіць зыходнік]

Памяць[правіць | правіць зыходнік]

  • У беларускім горадзе Хойнікі на доме, непадалёк ад якога праходзіў смяротны бой, ўстаноўлена мемарыяльная дошка з прозвішчамі загінулых. Імем Героя названа адна з вуліц гэтага горада.
  • 5 мая 1965 года ў Ліпецку Палтаўская вуліца была перайменавана ў вуліцу Качаткова.

Спасылкі[правіць | правіць зыходнік]