Амагер

Амагер
55°36′ пн. ш. 12°36′ у. д.
Краіна	Данія
Рэгіён	Сталічная вобласць
Амагер
Плошча	96,29 км²
Насельніцтва	158 224 чал.
Шчыльнасць насельніцтва	1 643,203 чал./км²
Востраў Амагер і прылеглая частка Зеландыі — аэрафотаздымка
Аўдыё, фота і відэа на Вікісховішчы

Амагер (дацк.: Amager, Ама) — дацкі востраў у праліве Эрэсун з боку Балтыйскага мора. На востраве Амагер размешчана частка Капенгагена.

Гісторыя

У канцы XIX стагоддзя Амагер быў маленькім востравам, 15 км у даўжыню і 8 км у шырыню (75 км ²). Насельніцтва ў 1880 годзе складала каля 15800 жыхароў, большасць з якіх вяло сваё паходжанне з 80 галандскіх сямействаў, выкліканых сюды Хрысціянам II у пачатку XVI стагоддзя з паўночнай Галандыі, каб яны вырошчвалі гародніну для забеспячэння Капенгагена. Нашчадкі гэтых перасяленцаў захавалі свой старажытны касцюм і норавы і займаліся садоўніцтвам і агародніцтвам.

Геаграфія

Амагер злучаны з востравам Зеландыя некалькімі мастамі. Мост праз Эрэсун злучае яго са Швецыяй. Пабудова моста і аўтамагістралі моцна паўплывалі на знешні выгляд вострава. Дзве лініі метрапалітэна злучаюць востраў з цэнтральнай часткай Капенгагена.

Ва ўсходняй частцы вострава на беразе Эрэсун знаходзіцца міжнародны аэрапорт Капенгагена Каструп.