Амата Кабуа

Амата Кабуа
Amata Kabua
прэзідэнт Маршалавых Астравоў[d] 17 лістапада 1979 — 20 снежня 1996
Пераемнік	Kunio Lemari[d]
Нараджэнне	17 лістапада 1928(1928-11-17) Атол Джалуіт, Маршалавы Астравы
Смерць	20 снежня 1996(1996-12-20) (68 гадоў) ці 19 снежня 1996(1996-12-19) (68 гадоў) Ганалулу, акруга Ганалулу[d], Гаваі, ЗША
Жонка	Emlain Kabua[d]
Дзеці	David Kabua[d]
Веравызнанне	пратэстант
Партыя	беспартыйны
Прафесія	школьны настаўнік
Медыяфайлы на Вікісховішчы

Амата Кабуа (маршал.: Amata Kabua, 17 лістапада 1928—20 снежня 1996 гг.) — першы прэзідэнт Маршалавых Астравоў, правадыр Маджура, палітычны пісьменнік, аўтар гімна Маршалавых Астравоў.

Біяграфія

Амата Кабуа нарадзіўся на атоле Джалуіт у высакароднай заможнай сям'і. У пасляваенны час вучыўся ў хрысціянскім каледжы на Гаваях, працаваў школьным настаўнікам. З 1963 г. займаўся палітыкай, быў выбраным прадстаўніком ад Маршалавых Астравоў у Кангрэсе Мікранезіі. У 1972 г. стварыў і ўзначаліў Рух за Аддзяленне Маршалавых Астравоў ад падапечнай тэрыторыі Мікранезіі. У 1979 г. стаў першым прэзідэнтам Маршалавых Астравоў. Выбіраўся на гэту пасаду 5 разоў. З 1982 г. займаў пасаду вярхоўнага правадыра атола Маджура. Памёр 20 снежня 1996 г. ад цяжкай хваробы ў шпіталі Ганалулу.

Палітычныя погляды

Як палітычны дзеяч і пісьменнік выступаў з нацыяналістычнымі лозунгамі, сцвярджаў культурную і палітычную незалежнасць маршальцаў. У 1978 г. арганізаваў пратэсты супраць ваенных вучэнняў ЗША на Маршалавых Астравах. Аднак у Мікранезіі разглядаўся як праамерыканскі палітык, які пратэстамі дамагаўся толькі грашовых кампенсацый ад урада ЗША. Шмат зрабіў для распаўсюджвання інфармацыі аб трагедыі атола Бікіні, ініцыяваў незалежнае даследаванне МАГАТЭ.

Памяць

У гонар Амата Кабуа названы міжнародны аэрапорт каля Маджура.

Спасылкі

• Timeline Marshall Islands (The Republic of the Marshall Islands) Архівавана 2 ліпеня 2014.
• Biography of Amata Kabua
• WOLFGANG SAXON, Amata Kabua, 68, President Of Marshall Islands, Is Dead