Амброзіус Гольбейн

Амброзіус Гольбейн
ням.: Ambrosius Holbein
Дата нараджэння	1494
Месца нараджэння	Аўгсбург, адміністрацыйная акруга Швабія, Баварыя
Дата смерці	1519
Месца смерці	Базель, кантон Базель-Штат, Швейцарыя
Грамадзянства	Швейцарыя Германія
Бацька	Ганс Гольбейн Старэйшы
Род дзейнасці	мастак, рысавальшчык, мастак-гравёр, дзеяч мастацтваў
Мастацкі кірунак	Паўночнае Адраджэнне[d]
Член у	Holbein family[d] ()
Медыяфайлы на Вікісховішчы

Амброзіус Гольбейн (ням.: Ambrosius Holbein; 1494—1519) — нямецкі жывапісец, сын Ганса Гольбейна-старэйшага (1465—1524) і брат Ганса Гольбейна-малодшага (1497—1543).

Біяграфія

Як і малодшы брат, Ганс, Амброзіус нарадзіўся ў Аўгсбургу (у сучаснай Баварыі), які быў у той час вольным імперскім горадам, а таксама цэнтрам мастацтваў, культуры і гандлю. Бацька, Ганс Гольбейн-старэйшы быў наватарам і першаадкрывальнікам у пераўтварэнні тэхнікі нямецкага жывапісу на этапе пераходу ад готыкі да Рэнесансу. У яго майстэрні абодва яго сыны, Амброзіус і Ганс, атрымалі першыя ўрокі жывапісу, а таксама пазнаёміліся з ювелірнай справай і з гравіравальным майстэрствам.

У 1515 годзе Амброзіус жыў у швейцарскім горадзе Штайн-на-Рэйне, дзе ён працаваў як чаляднік у майстэрні Ханса Хорбста над фрэскамі ў галоўнай зале кляштара святога Георгія.

У 1517 годзе быў залічаны ў гільдыю жывапісцаў Базеля, а ў 1518 годзе быў натуралізаваны як грамадзянін гэтага горада. У Базелі ён дзяліў майстэрню са сваім малодшым братам Гансам. У іх было шмат невялікіх заказаў на гравюры ад выдаўцоў кніг у Базелі, а таксама на партрэты і на карціны рэлігійнага зместу.

Памёр Амброзіус Гольбейн, як мяркуецца, каля 1519 года.