Амерыканскае астранамічнае таварыства (англ.: American Astronomical Society, AAS) — некамерцыйнае навуковае таварыства, якое ўваходзіць у склад Амерыканскага інстытута фізікі. Найбуйнейшая ў Паўночнай Амерыцы арганізацыя, якая аб’ядноўвае астраномаў. Заснавана ў 1899 годзе як Амерыканскае астранамічнае і астрафізічнае таварыства (назва да 1915).
Місія таварыства заключаецца ў паляпшэнні і распаўсюджванні навуковага разумення чалавецтвам Сусвету. Станам на 2010 год у таварыства ўваходзіць каля 7000 членаў, сярод якіх акрамя астраномаў ёсць таксама фізікі, матэматыкі, геолагі і прадстаўнікі іншых прафесій, інтарэсы якіх блізкія да астраноміі.
Медыяфайлы на Вікісховішчы
