Анатоль Іванавіч Усенка

Анатоль Усенка
Поўнае імя	Анатоль Іванавіч Усенка
Нарадзіўся	14 чэрвеня 1948(1948-06-14) (74 гады) Паўлаград, Днепрапятроўская вобласць, УССР, СССР
Грамадзянства	Беларусь
Узнагароды і медалі
Чэмпіянаты свету Бронза СССР 1983 Дзяржаўныя ўзнагароды

Анатоль Іванавіч Усенка (нар. 14 чэрвеня 1948) — беларускі футбаліст і трэнер. Заслужаны трэнер Рэспублікі Беларусь (1998).

Біяграфія

З шасці гадоў выхоўваўся ў Чэрвеньскім дзіцячым доме. Там і пачаў займацца футболам у Леаніда Міхайлавіча Корзуна. Жыў у г. Мазыр, наведваў заняткі ў вучылішчы і паралельна гуляў за дзіцяча-спартыўную школу.

Скончыў Беларускі дзяржаўны ўніверсітэт фізічнай культуры і Вышэйшую школу трэнераў (Масква).

Трэнерская кар’ера

Працаваў трэнерам ў камандах «Беларусь» (Мар’іна Горка), «Хімік» (Светлагорск), «Змена» (Мінск).

Працаваў у трэнерскім штабе ФК «Дынама», з якім выходзіў ў вышэйшую лігу ў 1978 годзе. Чэмпіён СССР 1982 г., бронзавы прызёр чэмпіянату СССР-1983 у складзе «Дынама» (Мінск).

Галоўны трэнер беларускай зборнай па міні-футболе сярод інвалідаў па зроку — пяціразовых чэмпіёнаў свету (1998 г., 2002 г., 2004 г., 2007 г., 2011 г.) і чатырохразовых чэмпіёнаў Еўропы (2001 г., 2007 г., 2009 г., 2012 г.).

Палітычныя погляды

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе.

Узнагароды

• Заслужаны трэнер Рэспублікі Беларусь (1998).
• Ордэн Пашаны (2 верасня 2008).
• Медаль «За працоўныя заслугі».
• Ганаровы грамадзянін Пухавіцкага раёна.
• Медал НАК «За выдатныя заслугі».
• Уладальнік тэлевізійнай узнагароды «Гонар нацыі».

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9