Анатоль Даміянавіч Шыбнёў

Анатоль Даміянавіч Шыбнёў
Дата нараджэння	11 (24) снежня 1907
Месца нараджэння	Санкт-Пецярбург, Расійская імперыя
Дата смерці	19 сакавіка 1990(1990-03-19) (82 гады)
Месца смерці	Мінск, БССР, СССР
Грамадзянства	СССР
Бацька	Даміян Васілевіч Шыбнёў
Дзеці	Яўген Шыбнёў
Род дзейнасці	мастак
Жанр	тэматычная карціна[d], пейзаж і партрэт
Вучоба	Адэскае мастацкае вучылішча імя М. Б. Грэкава[d] (1934) Ленінградскі інстытут жывапісу, скульптуры і архітэктуры (1940)
Мастацкі кірунак	рэалізм
Уплыў	Ісак Бродскі і Уладзімір Сяроў[d]
Уплыў на	Яўген Шыбнёў
Член у	Беларускі саюз мастакоў
Узнагароды

Анатоль Даміянавіч (Дзям’янавіч) Шыбнёў (11 (24) снежня 1907, Пецярбург — 19 сакавіка 1990, Мінск) — беларускі савецкі мастак-жывапісец, заслужаны дзеяч мастацтваў БССР (1963). Сын мастака Даміяна Шыбнёва, бацька мастака Яўгена Шыбнёва.

Біяграфія

З 1929 па 1934 г. вучыўся ў Адэскім мастацкім інстытуце.

У 1940 годзе скончыў Інстытут жывапісу, скульптуры і архітэктуры імя І. Я. Рэпіна ў Ленінградзе. Настаўнікамі яго былі Ісак Бродскі, Уладзімір Сяроў, Васіль Мяшкоў, Аляксандр Любімаў. Па заканчэнні быў накіраваны на працу ў Брэст.

У 1941 годзе знаходзіўся ў нямецкім палоне.

З 1944 года стала жыў і працаваў у Мінску.

У 1945 годзе ўступіў у Саюз мастакоў БССР.

Удзельнік мастацкіх выставак з 1936 года.

Творчасць

Працаваў пераважна ў галіне станковага жывапісу ў жанрах тэматычнай карціны, партрэта, пейзажа.

Творы знаходзяцца ў Нацыянальным мастацкім музеі Рэспублікі Беларусь, фондзе Беларускага саюза мастакоў.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 7. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 10 000 экз. — ISBN 985-11-0276-8. — С. 244.
• Беларускі саюз мастакоў: Энцыклапедычны даведнік / аўтар-складальнік Б. А. Крэпак і інш.. — Мн .: ВТАА «Кавалер Паблішерс», 1998. — С. 628. — 664 с. — 3 000 экз. — ISBN 985-6427-09-6.