Анатоль Майсеевіч Бардовіч

Анатоль Майсеевіч Бардовіч
Дата нараджэння	3 студзеня 1928(1928-01-03) (96 гадоў)
Месца нараджэння	Малыя Навасёлкі, Беларусь
Грамадзянства	Беларусь
Род дзейнасці	мовазнавец
Месца працы	Нясвіжскае педагагічнае вучылішча імя Якуба Коласа Мінскі дзяржаўны педагагічны інстытут імя А. М. Горкага
Навуковая ступень	кандыдат філалагічных навук
Альма-матар	Сыктыўкарскі гуманітарна-педагагічны каледж імя І. А. Куратава[d] Мінскі дзяржаўны педагагічны інстытут імя А. М. Горкага (1951)

Анатоль Майсеевіч Бардовіч (3 студзеня 1928, в. Малыя Навасёлкі, Дзяржынскі раён Мінская акруга, БССР) — мовазнавец. Кандыдат філалагічных навук (1958). Прафесар (1992). Заслужаны работнік вышэйшай школы БССР (1982).

Біяграфія

У 1935 г. сям'ю Бардовічаў выслалі як спецперасяленцаў у Комі АССР. У 1945 г. закончыў Сыктыўкарскае педвучылішча, у 1951 г. — Мінскі педінстытут імя А. М. Горкага, у 1956 г. — аспірантуру пры ім. З 1945 г. працаваў настаўнікам. У 1951—1953 гг. выкладчык рускай мовы і літаратуры, завуч Нясвіжскага педвучылішча. 3 1957 г. старшы выкладчык, дацэнт, у 1965—1974 гг. загадчык кафедры агульнай і рускай мовы, з 1974 г. намеснік дэкана, з 1978 г. дэкан філалагічнага факультэта, пасля яго раздзялення ў 1993 г. — дэкан факультэта рускай філалогіі, у 2001 г. саветнік рэктара па гуманітарных пытаннях, з 2002 г. прафесар кафедры сучаснай рускай мовы Мінскага педагагічнага ўніверсітэта імя Максіма Танка.

Аўтар падручнікаў па рускай мове для 6—7-х і 8—9-х класаў, вучэбных дапаможнікаў па рускай мове. У сааўтарстве выдаў «Марфемны слоўнік беларускай мовы», «Словаўтваральны слоўнік беларускай мовы», «Школьны марфемны слоўнік беларускай мовы». Узнагароджаны знакам «Выдатнік народнай асветы».

Літаратура

• Бардовіч Анатоль Майсеевіч. // Памяць. Гісторыка-дакументальная хроніка Дзяржынскага раёна. Мінск. 2004. С. 604.