Анатоль Максімавіч Русецкі

Анатоль Максімавіч Русецкі
Старшыня Прэзідыума Нацыянальнай акадэміі навук Рэспублікі Беларусь 29 снежня 2010 — 23 кастрычніка 2012
Прэзідэнт	Аляксандр Лукашэнка
Кіраўнік урада	Міхаіл Мясніковіч
Папярэднік	Міхаіл Мясніковіч
Пераемнік	Уладзімір Гусакоў
Міністр прамысловасці Рэспублікі Беларусь 24 снежня 2003 — 26 чэрвеня 2009
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Анатоль Харлап
Пераемнік	Аляксандр Радзевіч
Старшыня Дзяржаўнага камітэта па навуцы і тэхналогіях 14 чэрвеня 2002 — 24 снежня 2003
Прэзідэнт	Аляксандр Лукашэнка
Кіраўнік урада	Генадзь Навіцкі
Папярэднік	Анатоль Лесніковіч
Пераемнік	Юрый Плескачэўскі
Нараджэнне	14 лютага 1951(1951-02-14) (71 год) Барысаў, Мінская вобласць, БССР, СССР
Адукацыя	машынабудаўнічы факультэт БНТУ (1973)
Навуковая ступень	доктар тэхнічных навук
Дзейнасць	вынаходнік
Узнагароды

Анатоль Максі́мавіч Русе́цкі (14 лютага 1951, Барысаў, Мінская вобласць) — беларускі дзяржаўны дзеяч, былы Старшыня Прэзідыума Нацыянальнай акадэміі навук Рэспублікі Беларусь (2010—2012), міністр прамысловасці Рэспублікі Беларусь (2003—2009), Старшыня Дзяржаўнага камітэта па навуцы і тэхналогіях (2002-2003), доктар тэхнічных навук, прафесар.

Біяграфія

У 1973 годзе скончыў Беларускі політэхнічны інстытут па спецыяльнасці Прыборы дакладнай механікі і атрымаў кваліфікацыю «Інжынер-механік».

З 1973 па 1977 год працаваў канструктарам — вядучым канструктарам ў Акадэміі Навук рэспублікі, з 1977 па 1981 год — вядучым канструктарам ВКБ «Імпульс» міністэрства радыёпрамысловасці СССР.

З 1981 года па 1997 год працаваў у Навукова-вытворчым аб’яднанні «Планар», у 1989—1992 гадах галоўным інжынерам завода «Электронмаш», дырэктарам гэтага завода, а з 1992 па 1997 — прэзідэнтам канцэрна «Планар».

8 ліпеня 1997 годзе быў прызначаны намеснікам Міністра прамысловасці Рэспублікі Беларусь, а ў 2002 годзе — першым намеснікам Міністра прамысловасці Рэспублікі Беларусь.

З 14 чэрвеня 2002 па 24 снежня 2003 года працаваў Старшынёй Камітэта па навуцы і тэхналогіях пры Савеце Міністраў Рэспублікі Беларусь.

З 24 снежня 2003 года — міністр прамысловасці Рэспублікі Беларусь. 26 чэрвеня 2009 года адпраўлены ў адстаўку.

У снежні 2009 года быў прызначаны на пасаду дырэктара Інстытута цепла- і масаабмену Нацыянальнай акадэміі навук Беларусі.

29 снежня 2010 года быў прызначаны Старшынёй Прэзідыума Нацыянальнай акадэміі навук Рэспублікі Беларусь.

23 кастрычніка 2012 быў вызвалены з пасады ў сувязі з пераходам на выбарную пасаду — намесніка Старшыні Савета Рэспублікі Нацыянальнага сходу Рэспублікі Беларусь.

Узнагароды

• Медаль Медаль «За працоўныя заслугі»
• Дзяржаўная прэмія Рэспублікі Беларусь у галіне навукі і тэхнікі (1996, у аўтарскім калектыве) — за распрацоўку штучных клапанаў сэрца, укараненне іх у медыцынскую практыку і арганізацыю серыйнай вытворчасці.
• Ганаровая грамата Нацыянальнага сходу Рэспублікі Беларусь
• Ганаровая грамата Савета Міністраў Рэспублікі Беларусь

Навуковая дзейнасць

Аўтар больш за 70 навуковых прац, 13 аўтарскіх пасведчанняў.

Асноўныя працы

• Координатные позиционеры гибких производственных систем для электронного машиностроения. Мн.: 1998.
• Теория построения прецизионных механизмов оборудования производства электронной техники. Мн.: ГНПКТМ «Планар», 1999 (у сааўтарстве).
• Оптимизационное проектирование прецизионных координатных систем и механизмов оборудования производства электронной техники. Мн.: НВА «Інтэграл», 1999 (у сааўтарстве).
• Технология и техника прецизионного лазерного модифицирования твердотельных структур. Мн.: Тэхнапрынт, 2002 (у сааўтарстве).
• Проектирование и производство РЭС. Мн.: БДУІР, 2006 (у сааўтарстве).
• Технологические процессы и системы в микроэлектронике: плазменные, электронно-ионно-лучевые, ультразвуковые. Мн.: Бэстпрынт, 2009 (у сааўтарстве).

Сям’я

Жанаты. Мае двух сыноў.

Літаратура

• Савік М. П. Русецкі Анатоль Максімавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 456. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Спасылкі

• Біяграфія на сайце Савета Рэспублікі