Анатоль Міхайлавіч Пап

Анатоль Міхайлавіч Пап
Дата нараджэння	3 ліпеня 1923(1923-07-03)
Месца нараджэння	Крук (Хорашыўскі раён), Валадарска-Валынскі раён, Карасценская акруга[d], Валынская губерня, УССР, СССР
Дата смерці	17 чэрвеня 2004(2004-06-17) (80 гадоў)
Месца смерці	Мінск, Беларусь
Грамадзянства	Беларусь
Род дзейнасці	геолаг, мінералог
Навуковая сфера	геалогія і мінералогія
Месца працы	Беларускі навукова-даследчы геолагаразведачны інстытут Інстытут геалагічных навук НАН Беларусі
Навуковая ступень	доктар геолага-мінералагічных навук () (1976)
Навуковае званне	прафесар ()
Альма-матар	Kyiv National Taras Shevchenko University Faculty of Geology[d] (1950)

Анатоль Міхайлавіч Пап (3 ліпеня 1923(1923-07-03), Крук (Хорашыўскі раён), Валынская губерня — 17 чэрвеня 2004(2004-06-17), Мінск) — беларускі геолаг. Доктар геолага-мінералагічных навук (1976), прафесар (1993).

Біяграфія

Скончыў Жытомірскі лесатэхнічнч тэхнікум (1941), Кіеўскі ўніверсітэт (1950).

У 1944—1945 — у Валынскай геалагічнай экспедыцыі (калектар, прараб); у 1950—1956 — ва Усесаюзным Магаданскім навукова-даследчым інстытуце золата і рэдкіх металаў (малодшы навуковы супрацоўнік); з 1957 — у Беларускім навукова-даследчым геолагаразведачным інстытуце (1957—1980; старшы навуковы супрацоўнік, у 1965—1977 — загадчык сектара геалогіі дакембрыя, у 1977—1980 — загадчык аддзела цвёрдых карысных выкапняў); з 1980 — у Інстытуце геалагічных навук АН БССР (у 1980—1990 — загадчык лабараторыі петраграфіі і металагеніі крышталічнага фундамента, у 1990—2000 — галоўны навуковы супрацоўнік лабараторыі ранняга дакембрыя).

Навуковая дзейнасць

Навуковыя працы па структуры рудных радовішчаў, петралогіі і петрахіміі дакембрыйскіх комплексаў, стратыграфіі і геахраналогіі дакембрыйскіх утварэнняў. У 1964 вылучыў шчучынскую і жыткавіцкую серыі, якія ў 1981 былі ўключаны ў рабочую стратыграфічную схему архея і пратэразою Беларусі і да гэтага часу захоўваюць сваё значэнне, выканаў фармацыйны аналіз, геолага-структурнае раянаванне крышталічнага падмурку Беларусі і ўстанавіў этапы яго развіцця ў раннім дакембрыі. З ягоным удзелам, як і з улікам яго матэрыялаў, былі складзены многія карты (геалагічныя, тэктанічныя, прагнозна-металагенічныя) дакембрыйскага падмурка не толькі Беларусі, але і ўсяго падмурка Рускай пліты.

Асноўныя навуковыя працы

• Магматические и метаморфические комплексы докембрия БССР (1962)
• Кристаллический фундамент Белоруссии. М., 1977
• Нижний докембрий Беларуси. Мн.б 1996
• Геология Беларуси. Мн., 2001 (у суаўтарстве)

Літаратура

• Пап Анатоль Міхайлавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).
• Анатолий Михайлович Пап (к 100-летию со дня рождения)