Анатомія раслін у Беларусі

Анатомія раслін у Беларусі.

Гісторыя

На Беларусі анатомія раслін развіваецца з 1930-х гадоў у БСГА, Беларуским лесатэхнічным інстытуце, БДУ. Вывучалася анатамічная труктура некаторых дрэўных і травяністых раслін у залежнасці ад вільготнасці глебы (К. Г. Рэнард, А. Л. Новікаў, С. У. Калішэвіч).

У пасляваенныя гады ў Інстытуце біялогіі (з 1963 Інстытут эксперыментальнай батанікі АН БССР), БДУ даследаванні па анатоміі раслін вяліся пераважна як дапаможныя пры вырашэнні асобных пытанняў фізіялогіі раслін (Ц. М. Годнеў, С. У. Калішэвіч, Н. С. Суднік), экалогіі (Р. Ц. Пратасевіч), пры вывучэнні інтрадукаваных дрэўных парод (М. Д. Несцяровіч, Т. Ф. Дзяругіна, А. У. Панамарова).

У 1954—1966 гадах у Беларускім лесатэхнічным інстытуце (з 1961 Беларускі тэхналагічны інстытут), Інстытуце эксперыментальнай батанікі АН БССР выкананы работы па экалагічнай, параўнальнай і тэхнічнай анатоміі раслін (В. Я. Віхроў, Р. Ц. Пратасевіч, А. С. Самцоў).

З 1966 года даследаванні вядуцца ў БДУ, інстытутах генетыкі і цыталогіі, эксперыменальнай батанікі АН БССР, БСГА, Гомельскім універсітэце (Н. С. Суднік, А. В. Пятрэнка, Р. Ц. Пратасевіч, Т. Ф. Дзяругіна, Г. А. Новікава, А. Р. Тэн, А. І. Аляксеева, Н. С. Кісялёва і інш.). Вывучаюцца зменлівасць анатамічнай будовы дзікарослых і культурных раслін пад уплывам генетычных і фізіялагічных фактараў, а таксама дрэвавых раслін пад уплывам экалагічных умоў, вырашаюцца пытанні палягання сельскагаспадарчых культур.

Сучаснасць

Навукова-даследчая работа вядзецца ў Беларускім дзяржаўным універсітэце, інстытутах біялагічнага аддзялення НАН РБ, Беларускай сельскагаспадарчай акадэміі, Гомельскім і Беларускім тэхналагічных універсітэтах і інш.

Значэнне

Даныя анатоміі раслін выкарыстоўваюць у аграноміі, тэхніцы, гісторыі культуры, археалогіі, прамысловасці (харчовай, мэблевай, фармацэўтычнай, цэлюлозна-папяровай і інш.). Істотнае развіццё атрымліваюць эвалюцыйны і экалагічна кірункі вывучэння анатоміі раслін.

Літаратура

• Анатомія раслін // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• Пратасевіч Р. Ц. Анатомія раслін // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.. — С. 92
• Александров В. Г. Анатомия растений. — М., 1966