Андрэй Іванавіч (князь тураўскі)

З пляцоўкі Вікіпедыя
Андрэй Іванавіч
Князь турава-пінскі
1195 — 1223
Папярэднік Глеб Юр’евіч
Пераемнік Уладзімір Святаполкавіч

Нараджэнне 1195
Смерць 1 чэрвеня 1223
каля ракі Калка
Род Ізяславічы Тураўскія
Бацька Іван Юр’евіч
Жонка дачка кіеўскага князя Мсціслава Раманавіча Старога
Дзеці Юрый II Андрэевіч

Андрэй Іванавіч (? — 1 чэрвеня 1223) — князь тураўскі (1195 — 1 чэрвеня 1223). Быў сынам Івана Юр’евіча, унукам Юрыя Яраславіча. Быў жанаты з дачкой Мсціслава Раманавіча Старога, вялікага князя кіеўскага (1214—1223).

Разам са стрыечнымі братамі янавіцкім князем Святаславам Яраславічам, дубровіцкім князем Аляксандрам Глебавічам, нясвіскім князем Юрыем Яраполчычам, а таксама цесцем, кіеўскім князем Мсціславам Раманавічам Старым, удзельнічаў у бітве на рацэ Калцы, дзе ўсе яны памёрлі. Падчас бітвы Андрэй знаходзіўся ва ўмацаваным лагеры на правым беразе ракі і патрапіў у палон разам з Аляксандрам Глебавічам і Мсціславам Раманавічам Старым. 1 чэрвеня 1223 года быў раздушаны дошкамі, на якіх селі баляваць манголы. Пераемнікам Андрэя на тураўскім княжанні стаў Уладзімір Святаполкавіч.

Нашчадкі[правіць | правіць зыходнік]

  • Юрый — князь тураўскі.

Зноскі

Спасылкі[правіць | правіць зыходнік]