Андрэй Антоні Кастравіцкі

Андрэй Антоні Кастравіцкі
Андрэй Антоні Кастравіцкі
Дата нараджэння	17 студзеня 1910
Дата смерці	1940
Месца смерці	Харкаў, Харкаўская вобласць, УССР, СССР;
Месца пахавання	Piatykhatky, Kharkiv Oblast[d];
Бацька	Амброзій Кастравіцкі
Маці	Марыя Стэфанія Кастравіцкая

Андрэй Антоні Самуэль Кастравіцкі (польск.: Andrzej Antoni Samuel Kostrowicki; 17 студзеня 1910 — 1940) — польскі вайсковец, удзельнік абарончай вайны 1939 года, расстраляны органамі НКВД.

Біяграфія

Нарадзіўся ў 1910 годзе ў шляхецкай сям’і лекара Амброзія Самуэля Кастравіцкага і Марыі Стэфаніі з Багушэўскіх. Ён быў адным з малодшых дзяцей у шматдзетнай сям’і (усяго 8 дзяцей). Яго родны дзядзька — класік беларускай літаратуры Карусь Каганец (Казімір Кастравіцкі)

Пасля Рыжскага мірнага дагавора 1921 года родавыя землі Кастравіцкіх апынуліся ў складзе міжваеннай Польскай Рэспублікі (тэрыторыя Заходняй Беларусі). З архіўных дакументаў ён вядомы як інжынер-аграном. Да пачатку Другой сусветнай вайны працаваў у Навагрудку (тагачасны цэнтр Навагрудскага ваяводства), займаючы пасаду ў Ваяводскім упраўленні Лагера нацыянальнага аб’яднання (польск.: Wojewódzki Zarząd Obozu Zjednoczenia Narodowego w Nowogródku). Прайшоў вайсковую падрыхтоўку і атрымаў званне падпаручніка рэзерву пяхоты польскай арміі (польск.: ppor. piech. rez.). У 1939 годзе мабілізаваны ў войска. Быў размеркаваны ў 77-ы пяхотны полк, які фармаваўся пераважна ў Лідзе і складаўся з мясцовых ураджэнцаў.

Падчас Вераснёўскай кампаніі 1939 года полк вёў абарончыя баі спачатку супраць нацысцкай Германіі, а пасля сутыкнуўся з часцямі Чырвонай арміі, якія наступалі. У канцы верасня 1939 года падпаручнік Кастравіцкі трапіў у савецкі палон як польскі афіцэр і «класавы вораг» (з-за шляхецкага паходжання). Быў этапаваны НКВД у глыб СССР і ўтрымліваўся ў Старабельскім спецлагеры, дзе савецкія спецслужбы ізалявалі афіцэраў рэзерву, лекараў, інжынераў і інтэлігенцыю.

Вясной 1940 года Андрэй Антоній Кастравіцкі быў вывезены з лагера ў Харкаў. У красавіку ці траўні 1940 года ён быў расстраляны ў сутарэннях упраўлення НКУС у Харкаве. Яго цела пахавалі ў брацкай магіле ў прыгарадзе (у Пяціхатках). Імя Андрэя Антонія Самуэля Кастравіцкага высечана на мемарыяльнай пліце Украінскіх Катынскіх могілак у Харкаве (Пяціхаткі), адкрытых у 2000 годзе.

Спасылкі

ipn.gov.pl