Андрэй Віктаравіч Скорабагацька

Андрэй Скорабагацька
Агульная інфармацыя
Поўнае імя	Андрэй Віктаравіч Скорабагацька
Нарадзіўся	19 ліпеня 1968(1968-07-19) (51 год) Запарожжа, Запарожская вобласць, УССР, СССР
Грамадзянства	Беларусь
Рост	174 см
Вага	80 кг
Пазіцыя	паўабаронца, нападнік
Інфармацыя пра каманду
Каманда	Беларусь (да 17)
Пасада	галоўны трэнер
Кар’ера
Клубная кар’ера*
1986 — 1995	/ Дняпро (Магілёў)	297 (76)
1996	МПКЦ (Мазыр)	26 (8)
1997	Трансмаш (Магілёў)	11 (2)
1998 — 1999	Тарпеда-Кадзіна (Магілёў)	34 (7)
1999	Гомель	6 (0)
2000 — 2004	Тарпеда-Кадзіна (Магілёў)
Трэнерская кар’ера
2004 — 2006	Тарпеда-Кадзіна (Магілёў)
2006 — 2007	Камунальнік (Слонім)
2008	Дняпро (Магілёў)	трэнер
2008 — 2011	Дняпро (Магілёў)
2012 — 2013	Мінск	трэнер
2013 — 2014	Мінск
2014 — 2016	Беларусь (да 21)	трэнер
2016 — 2017	Мінск	трэнер
2018	Белшына (Бабруйск)	трэнер
2019 —	Беларусь (да 17)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў

Андрэй Скорабагацька (нар. 19 ліпеня 1968, Запарожжа, УССР) — былы беларускі футбаліст (гуляў на пазіцыях паўабаронцы і нападніка), а потым трэнер. У цяперашні час з’яўляецца галоўным трэнерам юнацкай зборнай Беларусі.

Кар’ера футбаліста

Выхаванец СДЮШАР горада Запарожжа. З 1986 года доўгі час гуляў за магілёўскі «Дняпро», у складзе якога стаў найлепшым бамбардзірам першага чэмпіянату незалежнай Беларусі ў 1992 годзе. У 1996 годзе разам з мазырскім МПКЦ перамог у Кубку Беларусі і ў чэмпіянаце Беларусі. Пазней вярнуўся ў Магілёў, дзе і завяршыў кар’еру іграка ў 2004 годзе ў складзе «Тарпеда-Кадзіна».

Кар’ера трэнера

У 2004 годзе ўзначаліў «Тарпеда-Кадзіна», пасля спынення існавання гэтага клуба стаў трэнерам слонімскага «Камунальніка». У 2008 годзе вярнуўся ў якасці асістэнта ў «Дняпро», які ўзначаліў 8 жніўня таго ж года. Прывёў магілёўскі клуб да бронзавых медалёў чэмпіянату 2009, а ў наступным годзе — да раўнда плей-оф Лігі Еўропы. У жніўні 2011 года быў вызвалены ад пасады галоўнага трэнера магілёўскага клуба.

У снежні 2012 года стаў старшым трэнерам клуба «Мінск». У кастрычніку 2013, пасля звальнення Вадзіма Скрыпчанкі, быў прызначаны выканаўцам абавязкаў галоўнага трэнера. У якасці выканаўцы абавязкаў давёў клуб да канца сезону.

Пасля заканчэння сезону, у снежні 2013 года, быў зацверджаны галоўным трэнерам «Мінска». У чэрвені 2014 года быў адпраўлены ў адстаўку з-за незадавальняючых вынікаў, але застаўся ў мінскім клубе ў якасці куратара юнацкага футбола. У снежні 2014 года дадаткова стаў трэнерам у штабе моладзевай зборнай Беларусі, дзе заставаўся да лістапада 2016 года, калі пакінуў каманду разам з Ігарам Кавалевічам.

У студзені 2016 года вярнуўся ў «Мінск», стаўшы асістэнтам новага галоўнага трэнера Георгія Кандрацьева. У снежні 2017 года ўслед за Кандрацьевым пакінуў сталічны клуб.

У студзені 2018 года ўвайшоў у трэнерскі штаб Кандрацьева ў бабруйскай «Белшыне». У кастрычніку 2018 года разам з Кандрацьевым пакінуў бабруйскі клуб.

У лютым 2019 года быў прызначаны галоўным трэнерам юнацкай зборнай Беларусі, складзенай з футбалістаў 2003 года нараджэння.

У студзені 2015 года атрымаў трэнерскую ліцэнзію катэгорыі PRO.

Дасягненні

Ігравыя

• 01 Чэмпіён Беларусі: 1996
• 02 Срэбраны прызёр чэмпіянату Беларусі: 1992
• 03 Бронзавы прызёр чэмпіянату Беларусі: 1999
• Уладальнік Кубка Беларусі: 1996
• Найлепшы бамбардзір чэмпіянату Беларусі: 1992 (11 галоў)

Трэнерскія

• 03 Бронзавы прызёр чэмпіянату Беларусі: 2009