Андрэй Міхайлавіч Кунцэвіч

Андрэй Міхайлавіч Кунцэвіч
Андрэй Міхайлавіч Кунцэвіч
намеснік кіраўніка Адміністрацыі Прэзідэнта Рэспублікі Беларусь[d]
	19 жніўня 2019 — 5 красавіка 2021
першы намеснік[d] (міністр інфармацыі Рэспублікі Беларусь[d])
	з 5 красавіка 2021
Нараджэнне	4 снежня 1979 (44 гады); Бялынічы, Бялыніцкі раён, Магілёўская вобласць, БССР, СССР;
Бацька	Міхаіл Міхайлавіч Кунцэвіч
Жонка	Святлана Кунцэвіч
Адукацыя	факультэт журналістыкі БДУ (2002); Акадэмія кіравання пры Прэзідэнце Рэспублікі Беларусь (2007);
Месца працы	Адміністрацыя прэзідэнта Рэспублікі Беларусь; Зара над Друццю[d]; Шклоўскі раённы выканаўчы камітэт[d]; Магілёўскі абласны выканаўчы камітэт; Магілёўскі гарадскі выканаўчы камітэт;

Андрэй Міхайлавіч Кунцэвіч (нар. 1979, Бялынічы, Магілёўская вобласць, БССР) — беларускі дзяржаўны дзеяч.

Біяграфія

Нарадзіўся ў 1979 годзе ў Бялынічах^[1]. Бацька Міхаіл Міхайлавіч працаваў шафёрам, маці — поварам. Скончыў сярэднюю школу № 1 у Бялынічах.

У 2002 годзе скончыў журналісцкі факультэт Беларускага дзяржаўнага ўніверсітэта па спецыяльнасці «Журналістыка»). Падчас вучобы на факультэце пазнаёміўся з будучай жонкай Святланай. Па размеркаванні Андрэй і Святлана былі накіраваны ў Бялынічы. Працаваў загадчыкам аддзела лістоў бялыніцкай раёнай газеты «Зара над Друццю», пасля — рэдактарам гэтай газеты.

У 2007 годзе прайшоў перападрыхтоўку на базе Інстытута дзяржаўнай службы Акадэміі кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і ідэалогія».

У 2009—2011 гадах — намеснік старшыні Шклоўскага райвыканкама, у 2011—2013 гадах з’яўляўся першым намеснікам начальніка галоўнага ўпраўлення ідэалагічнай работы, культуры і па справах моладзі Магілёўскага аблвыканкама — начальнікам упраўлення ідэалагічнай работы. У 2013—2016 гадах — намеснік старшыні Магілёўскага гарвыканкама, У 2016—2017 гадах — начальнік галоўнага ўпраўлення ідэалагічнай работы, культуры і па справах моладзі Магілёўскага аблвыканкама. Са студзеня 2017 года працаваў намеснікам старшыні Магілёўскага аблвыканкама.

З 19 жніўня 2019 года^[2]^[3] па 5 красавіка 2021 года працаваў намеснікам Кіраўніка Адміністрацыі Прэзідэнта Рэспублікі Беларусь. У Адміністрацыі Прэзідэнта каардынаваў ідэалагічную працу, працу са СМІ і грамадскімі арганізацыямі^[4].

5 красавіка 2021 года прызначаны першым намеснікам Міністра інфармацыі Рэспублікі Беларусь.

Унесены ў санкцыйныя спісы краін Балтыі^[5]^[6].

Хобі

З дзяцінства любіць футбол, заўзее за футбольны клуб «Дняпро»^[7]. З пачатку 2023 года ў якасці аматара стаў выступаць у беларускай Другой лізе за бялыніцкую «Друць».

Сям’я

Жонка — Святлана Кунцэвіч (у дзявоцтве Андрасюк), рэдактар магілёўскага выдавецтва «Талака»^[8].

Зноскі

[1] Беларускамоўны ідэолаг з Магілёва: пяць фактаў пра Андрэя Кунцэвіча, якога прызначылі ў Адміністрацыю прэзідэнта

[2] Указ Президента Республики Беларусь от 19 августа 2019 года № 315 «Об А. М. Кунцевиче»

[3] Прыняцце кадравых рашэнняў (бел.) (нявызн.) ?. Прэс-служба Прэзідэнта Рэспублікі Беларусь. Праверана 27.08.2019.

[4] Администрация Президента Республики Беларусь. Национальный центр правовой информации Республики Беларусь

[5] Latvia sanctions 101 more Belarus officials

[6] The sanctions of the Government of the Republic in view of the situation in Belarus

[7] Андрей Кунцевич будет курировать вопросы идеологии, СМИ, возможно, и социальных сетей. Знакомимся с новым назначенцем Архівавана 31 мая 2021.

[8] Журнал «Наша кухня. Выпечка». Издательский дом «Толока»

[1]

[2]

[3]

[4]

[5]

[6]

[7]

[8]