Андрэй Уладзіміравіч Курпатаў

Андрэй Уладзіміравіч Курпатаў
руск.: Андрей Владимирович Курпатов
Род дзейнасці	псіхатэрапеўт, тэлепрадзюсар, пісьменнік, тэлевядучы, медыямэнэджэр, псіхіятр, блогер, ютубер, прадпрымальнік, Q2381107?, выкладчык
Дата нараджэння	11 верасня 1974(1974-09-11) (49 гадоў)
Месца нараджэння	Ленінград, РСФСР, СССР
Грамадзянства	Расія  СССР
Бацька	Vladimir Kurpatov[d]
Жонка	Q109928641?
Дзеці	Q109929026?
Месца працы	Чырвоны квадрат Домашний[d] Ашчадбанк Расіі Першы канал Q98885374?
Альма-матар	Ваенна-медыцынская акадэмія імя С. М. Кірава[d] (1997)[…] Санкт-Пецярбургская медыцынская акадэмія паслядыпломнай адукацыі[d] (1999) Nakhimov Naval School, Saint Petersburg[d] (1991)
Член у	Акадэмія расійскага тэлебачання[d]
Узнагароды і прэміі	Honorary Academician of VRAL[d] (25 снежня 2021)
Сайт	kurpatov.ru (руск.)
Медыяфайлы на Вікісховішчы

Андрэй Уладзіміравіч Курпа́таў (нар. 11 верасня 1974, Ленінград, СССР) — расійскі тэлевядучы і прадзюсар, псіхатэрапеўт, аўтар кніг.

Біяграфія

Нарадзіўся 11 верасня 1974 г. ў Ленінградзе. Бацька — псіхатэрапеўт У. І. Курпатаў, дзед па матчынай лініі — хірург А. Б. Занданаў. У 1999 годзе на базе ВМедА и СПбМАПА атрымаў спецыялізацыю па псіхіятрыі і псіхатэрапіі і пачаў працаваць у Санкт-Пецярбургскім псіхіятрычным шпіталі № 7: спачатку як псіхатэрапеўт, пазней — як загадчык псіхатэрапеўтычнага цэнтру пры шпіталі.

З мая па снежань 2005 года двойчы ў дзень на тэлеканале «Дамашні» выходзіла яго псіхатэрапеўтычнае ток-шоў «Усё вырашым з доктарам Курпатавым». У 2006-м тэлепраект перайшоў на «Першы канал», змяніўшы назву на «Доктар Курпатаў». Найбольш рэйтынгавы выпуск шоў выйшаў 6 жніўня 2006 года — яго паглядзелі 2,8 мільёна чалавек. Аднак вясной 2007-га шоу закрылася.

У 2007 годзе стаў генеральным дырэктарам тэлекампаніі «Чырвоны квадрат», якая вырабляла для Першага канала такія ток-шоў, як Хвіліна славы, Вялікая розніца, «Фабрыка зорак» і інш.

9 снежня 2009 узнагароджаны Ганаровай граматай Прэзідэнта РФ за «актыўны ўдзел у падрыхтоўцы і правядзенні» Еўрабачання-2009. З 2010 года — член Акадэміі расійскага тэлебачання.

У 2014 годзе Курпатаў заснаваў Вышэйшую школу метадалогіі, а таксама інтэлектуальны кластар «Гульні розуму» ў Санкт-Пецярбургу.

У лютым 2019 года Курпатаў стаў навуковым кіраўніком новастворанай Лабараторыі нейранавук і паводзін чалавека пры Сбербанку.

Па выніках 2020 года, складзеных Расійскім кніжным саюзам, бэстсэлер Курпатава «Чырвоная таблетка» заняў 4 месца ва Ўсерасійскім кніжным рэйтынгу па колькасці продажаў.

Курпатаў — аўтар больш 30 кніг, выдадзеных накладам больш за 5 млн экзэмпляраў і перакладзеных на 8 моў.