Андрэ Стыль

З пляцоўкі Вікіпедыя
Jump to navigation Jump to search
Андрэ Стыль
фр.: André Stil
Bundesarchiv Bild 183-15152-0005, Berlin, Protestkundgebung für Andre Stil.jpg
Асабістыя звесткі
Дата нараджэння: 1 красавіка 1921(1921-04-01)[1][2]
Месца нараджэння: Эрні (дэпартамент Нор, Францыя)
Дата смерці: 3 верасня 2004(2004-09-03)[3][2] (83 гады)
Месца смерці: Камела (дэпартамент Усходнія Пірэнеі, Францыя)
Грамадзянства: Сцяг Францыі Францыя
Альма-матар:
Месца працы:
Прафесійная дзейнасць
Род дзейнасці:
Гады творчасці: 1949 — цяп. час
Кірунак: сацыялістычны рэалізм
Жанр: раман, навэла
Валодае мовамі: французская мова[2]
Мова твораў: французская
Дэбют: зборнік апавяданняў «Слова „шахцёр“, таварышы» (1949)
Грамадская дзейнасць
Партыя
Прэміі: Сталінская прэмія — 1952
Узнагароды: Кавалер ордэна Ганаровага легіёна
Commons-logo.svg Выявы на Вікісховішчы

Андрэ СТЫЛЬ (André Stil; 1 красавіка 1921, г. Эрньі, Францыя3 верасня 2004) — французскі пісьменнік.

Скончыў універсітэт у г. Ліль. Друкаваўся з 1949. Трылогія «Першы ўдар» (раманы «Каля воданапорнай вежы», 1951, «Канец адной гарматы», 1952; «Парыж з намі», 1953) пра антываенную барацьбу французскага народа. У цыкле твораў «Пастаўлена пытанне аб шчасці» — раманах «Мы будзем любіць адно аднаго заўтра» (1957), «Абвал» (1960), «Апошняя чвэрць гадзіны» (1962), «Пойдзем танцаваць, Віяліна» (1964), «Андрэ» (1965), «Прыгожы, як чалавек» (1968), «Хто?» (1969), зборніках апавяданняў «Егіпецкі хлеб» (1956), «Боль» (1961) і інш. уздымаюцца сацыяльна-палітычныя і маральна-этычныя праблемы, паказана жыццё Францыі ў ІІ сусветную вайну і пасляваенныя гады. Аўтар раманаў «Раман-сон» (1976), «У люстэрку — сябар» (1977), «Бог — гэта дзіця» (1979), «Мілы доктар» (1980), літаратурна-крытычных і публіцыстычных прац. Рэалістычная проза А. Стыля адметная дынамічным сюжэтам, выкарыстаннем дыялектаў, унутранага маналога.

На беларускую мову яго асобныя творы пераклалі Ю. Гаўрук, С. Дорскі.

Беларускія пераклады[правіць | правіць зыходнік]

  • Любіць будзем заўтра. Мн., 1960;
  • Салодкі пірог // Полымя. 1970. № 1;
  • Пан Ванэс // Беларусь. 1974. № 3.

Зноскі

  1. Стиль Андре // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
  2. 2,0 2,1 2,2 data.bnf.fr: платформа адкрытых дадзеных — 2011. Праверана 10 кастрычніка 2015.
  3. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #119177404 // Агульны нарматыўны кантроль — 2012—2016. Праверана 2 мая 2014.

Літаратура[правіць | правіць зыходнік]

  • БелЭн у 18 т. Т. 15. Мн., 2002.