Андрэ Стыль

Андрэ Стыль
фр.: André Stil
Асабістыя звесткі
Дата нараджэння	1 красавіка 1921(1921-04-01)
Месца нараджэння	Эрні (дэпартамент Нор, Францыя)
Дата смерці	3 верасня 2004(2004-09-03) (83 гады)
Месца смерці	Камела (дэпартамент Усходнія Пірэнеі, Францыя)
Пахаванне	Camélas[d]
Грамадзянства	Францыя
Альма-матар	Лільскі ўніверсітэт
Месца працы	l’Humanité[d]
Прафесійная дзейнасць
Род дзейнасці	празаік
Гады творчасці	1949 — 2003
Кірунак	сацыялістычны рэалізм
Жанр	раман, навэла
Мова твораў	французская
Дэбют	зборнік апавяданняў «Слова „шахцёр“, таварышы» (1949)
Грамадская дзейнасць
Партыя	Французская камуністычная партыя
Прэміі
Узнагароды
Медыяфайлы на Вікісховішчы

Андрэ СТЫЛЬ (André Stil; 1 красавіка 1921, г. Эрньі, Францыя — 3 верасня 2004) — французскі пісьменнік.

Скончыў універсітэт у г. Ліль. Друкаваўся з 1949. Трылогія «Першы ўдар» (раманы «Каля воданапорнай вежы», 1951, «Канец адной гарматы», 1952; «Парыж з намі», 1953) пра антываенную барацьбу французскага народа. У цыкле твораў «Пастаўлена пытанне аб шчасці» — раманах «Мы будзем любіць адно аднаго заўтра» (1957), «Абвал» (1960), «Апошняя чвэрць гадзіны» (1962), «Пойдзем танцаваць, Віяліна» (1964), «Андрэ» (1965), «Прыгожы, як чалавек» (1968), «Хто?» (1969), зборніках апавяданняў «Егіпецкі хлеб» (1956), «Боль» (1961) і інш. уздымаюцца сацыяльна-палітычныя і маральна-этычныя праблемы, паказана жыццё Францыі ў ІІ сусветную вайну і пасляваенныя гады. Аўтар раманаў «Раман-сон» (1976), «У люстэрку — сябар» (1977), «Бог — гэта дзіця» (1979), «Мілы доктар» (1980), літаратурна-крытычных і публіцыстычных прац. Рэалістычная проза А. Стыля адметная дынамічным сюжэтам, выкарыстаннем дыялектаў, унутранага маналога.

На беларускую мову яго асобныя творы пераклалі Ю. Гаўрук, С. Дорскі.

Беларускія пераклады

• Любіць будзем заўтра. Мн., 1960;
• Салодкі пірог // Полымя. 1970. № 1;
• Пан Ванэс // Беларусь. 1974. № 3.

Літаратура

• БелЭн у 18 т. Т. 15. Мн., 2002.