Анекатан

Анекатан
	рус. Онекотан
	; Выгляд з космасу
Характарыстыкі
Плошча	315 км²
Насельніцтва	0 чал.
Размяшчэнне
	49°27′ пн. ш. 154°46′ у. д.HGЯO
Акваторыя	Ціхі акіян
Краіна	Расія;
	Анекатан
Медыяфайлы на Вікісховішчы

Вулкан Крэніцына

Анеката́н (рус. Онекотан) — востраў у Вялікай градзе Курыльскіх астравоў. Адміністрацыйна ўваходзіць у склад Сахалінскай вобласці Расіі. Плошча — 315 км²^[1].

Прырода і геаграфія[правіць | правіць зыходнік]

Востраў мае вулканічнае паходжанне. Яго паверхню складаюць тры групы вулканічных вяршынь, злучаных нізінамі. Даўжыня — 42,5 км, шырыня на поўдні — 16,7 км, на поўначы — 11 км. Найвышэйшая кропка паўночнага ўзвышша — актыўны вулкан Нэма (1019 м), сярэдняга — востраканечная гара Шастакова (707 м), паўднёвага — конусная вяршыня актыўнага вулкана Крэніцына (1328 м). Апошні акружаны вадою, якая затапляе кальдэру. Заходні бераг спадзісты, рэзка абрываецца ў мора. Усходні парэзаны залівамі. На востраве некалькі рэк, у тым ліку рака Азёрная, якая дасягае ў даўжыню 8 км. Два вялікіх возера.

Раслінны свет характэрны для вільготнай тундры. Прадстаўлены лугавым разнатраўем, ягаднікамі, зараснікамі парасонавых, крапівы, алешыны, баршчэўніка, верасам. На нізінах і вакол азёр шмат імшар. Распаўсюджаныя жывёлы — лісы, грызуны, ластаногія, птушкі.

Гісторыя[правіць | правіць зыходнік]

Першымі насельнікамі Анекатана былі айны. На іх мове назва вострава значыла «старое населенае месца».

Рускія і японцы пачалі даследаванне вострава з XVIII ст. У 1875—1945 гг. ён уваходзіў у склад Японіі. Айны былі пераселены імі на поўдзень Курыльскіх астравоў. Анекатан выкарыстоўваўся як база рыбаловаў. На поўначы быў пабудаваны гадавальнік для ліс. Японцы праводзілі навуковыя экспедыцыі, пад час якіх была выяўлена пячорнае стойбішча старажытных насельнікаў.

Пасля далучэння да Расіі (1945 г.) на востраве некаторы час дзейнічала памежная застава і пасёлак рыбаловаў у бухце Мусэль. Зараз сталага насельніцтва няма. Востраў зрэдку наведваюць рыбакі, паляўнічыя і турысты.

Зноскі

↑ Востраў Анекатан

Літаратура[правіць | правіць зыходнік]

Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 319. — 538 с. — 100 000 экз. (руск.)

Спасылкі[правіць | правіць зыходнік]

Востраў Анекатан
Літаратура пра Анекатан Архівавана 23 верасня 2009.
Экспедыцыя на Анекатан Архівавана 7 мая 2012.

[1] Востраў Анекатан

[1]