Анжэрскі ўніверсітэт

Анжэрскі ўніверсітэт
фр.: Université d'Angers
Арыгінальная назва	фр.: Université d'Angers
Міжнародная назва	англ.: University of Angers
Заснаваны	1337
Год рэарганізацыі	1971
Студэнты	25 687
Краіна	Францыя
Размяшчэнне	Анжэ
Сайт	univ-angers.fr
Медыяфайлы на Вікісховішчы

Анжэрскі ўніверсітэт (фр.: Université d'Angers) — французская дзяржаўная вышэйшая навучальная ўстанова са статусам універсітэта з сядзібай у горадзе Анжэ.

Гісторыя

Навучальная ўстанова ў Анжэ была заснавана яшчэ ў ХІ стагоддзі. Яна атрымала статус універсітэта ў 1337 годзе. Кароль Карл V даў ёй прывілеі ў 1364 годзе, стварыўшы ўніверсітэт з факультэтамі права, медыцыны і тэалогіі. Канец Сярэднявечча стаў часам росквіту ўніверсітэта, аб чым сведчыць заснаванне ў 1432 годзе новых факультэтаў. У 1875 годзе ўніверсітэт адраджаецца як Заходні каталіцкі ўніверсітэт. У 1971 годзе ў Анжэ засноўваецца сучасны ўніверсітэт на базе ўніверсітэцкага навуковага цэнтра, тэхналагічнага ўніверсітэцкага інстытута, юрыдычнага ўніверсітэцкага каллежа, філалагічнага універсітэцкага каледжа і інш. Такім чынам, у Анжэ сёння прадстаўлены два ўніверсітэты: дзяржаўны Анжэрскі ўніверсітэт і прыватны Заходні каталіцкі ўніверсітэт.

Структура

• Факультэт літаратуры, моў і гуманітарных навук
• Факультэт права, эканомікі і менеджменту
• Факультэт навук
• Факультэт аховы здароўя
• Інстытут турызму і культуры
• Універсітэцкі тэхналагічны інстытут
• Універсітэцкая політэхнічная школа
• Інстытут бізнес-адміністравання

Спасылкі

• На Вікісховішчы ёсць медыяфайлы па тэме Анжэрскі ўніверсітэт
• Афіцыйная інтэрнэт-старонка ўстановы