Анры В’ётан

З пляцоўкі Вікіпедыя
Jump to navigation Jump to search
Анры В'ётан

Анры В'ётан (фр.: Henri Vieuxtemps; 17 лютага 1820, Верв'е — 6 чэрвеня 1881, Мустафа, Алжыр) — бельгійскі скрыпач, кампазітар і педагог. Вучань Ш. Берыо.

З пачатку 30-х гг. 19 ст. канцэртаваў у многіх краінах. У 1838 г. упершыню выступіў у Пецярбургу. У 1845—1852 гг. прыдворны саліст ў Пецярбургу, выкладаў і канцэртаваў. У 1871—1873 гг. прафесар Брусельскай кансерваторыі (яго вучань — Эжэн Ізаі). В'ётан — адзін з найбуйнейшых скрыпачоў рамантычнага кірунку. Для В'ётана характэрныя бліскучая віртуозная фактура, дэкаратыўная маляўнічасць. Найбольш значныя 7 канцэртаў для скрыпкі з аркестрам, якія аказалі ўплыў на развіццё гэтага жанру.