Анта Раўкас
| Анта Раўкас | |
|---|---|
| эст.: Anto Raukas | |
 | |
| Нараджэнне |
17 лютага 1935[1][2][…] |
| Смерць |
19 красавіка 2021[4][5][…] (86 гадоў) |
| Месца пахавання | |
| Грамадзянства | |
| Член у | |
| Адукацыя | |
| Дзейнасць | геалогія[6], environmental geology[d][6] і environmental research[d][7] |
| Узнагароды | |
 Медыяфайлы на Вікісховішчы | |
Анта Раўкас (эст.: Anto Raukas; 17 лютага 1935[1][2][…], Тарту[3][1] — 19 красавіка 2021[4][5][…], Талін[1]) — эстонскі вучоны-геолаг, спартсмен і спартыўны дзеяч. Акадэмік АН Эстоніі (1987).
Біяграфія
[правіць | правіць зыходнік]Нарадзіўся 17 лютага 1935 года ў Тарту ў сям’і школьнага настаўніка.
Сярэднюю школу скончыў у Тарту з залатым медалём (1953), дзе развіў запал да спорту, што прывяло да яго выдатных вынікаў у некалькіх відах спорту. Ён займаўся лёгкай атлетыкай, шахматамі, тэнісам, валейболам, лыжным спортам, пешаходным турызмам і спартыўным арыентаваннем.
У школьныя і студэнцкія гады займаўся лёгкай атлетыкай, трэніраваўся пад кіраўніцтвам Вальтэра Калама і Хельдура Цюютса, стаў чэмпіёнам Эстоніі сярод моладзі на сярэдняй дыстанцыі, устанавіў нацыянальны маладзёжны рэкорд у бегу на 1000 м і ў эстафеце 4 × 150.
У 1958 годзе скончыў з адзнакай Тартускі ўніверсітэт па спецыяльнасці «Разведка карысных выкапняў і геалагічнае карціраванне», інжынер-геолаг. У тым жа годзе пачаў працаваць у Інстытуце геалогіі Талінскага тэхналагічнага ўніверсітэта, выконваў абавязкі дырэктара ў 1999—2001 гадах.
Кандыдат геолага-мінералагічных навук (1961), дысертацыя на тэму «Літалогія і мінералогія асноўных марэн Эстонскай ССР». Доктар геолага-мінералагічных навук (1972), дысертацыя на тэму «Фарміраванне плейстацэнавых адкладаў і гляцыгенных формаў рэльефу Эстоніі». Член КПСС з 1964 года.
У 1959—1986 гадах — член прэзідыума Эстонскага савета па турызме і экскурсіях. У 1960—1961 гадах — немеснік старшыні, у 1962—1963 гадах — старшыня Эстонскай федэрацыі паходаў і арыентавання. У 1963—1964 гадах — старшыня, у 1964—1970 гадах — намеснік старшыні Эстонскай федэрацыі арыентавання. У 1964−1967 годах — член Саюза спартыўных таварыстваў і арганізацый Эстонскай ССР. У 1967 годзе атрымаў усесаюзную катэгорыю суддзі па спартыўным арыентаванні. Аўтар кніг па спартыўным арыентаванні, складальнік рэгламенту спаборніцтваў і рэдактар кнігі Вела Війрсалу «Гады нараджэння і славы эстонскага спартыўнага арыентавання 1959—1970»[8].
У 1977 годзе быў абраны членам-карэспандэнтам, у 1987 годзе — акадэмікам, у 1977—1989 гадах — членам прэзідыума Акадэміі навук Эстонскай ССР. Заклікаў пабудаваць у Эстоніі АЭС.
Памёр 19 красавіка 2021 года.
Узнагароды
[правіць | правіць зыходнік]- Залаты медаль Фінскай федэрацыі арыентавання (1964),
- заслужаны дзеяч навукі Эстонскай ССР (1987),
- ганаровы знак «За заслугі перад Талінам» (2007).
Крыніцы
[правіць | правіць зыходнік]- 1 2 3 4 5 6 7 8 Anto Raukas // Eesti spordi biograafiline leksikon Праверана 27 лістапада 2024.
- 1 2 Estonian Research Portal Праверана 1 лютага 2019.
- 1 2 3 https://www.err.ee/1608183439/suri-akadeemik-anto-raukas
- 1 2 Suri akadeemik Anto Raukas // https://www.err.ee/1608183439/suri-akadeemik-anto-raukas
- 1 2 Estonian Research Portal Праверана 28 красавіка 2022.
- 1 2 Národní autority České republiky Праверана 7 лістапада 2022.
- ↑ Národní autority České republiky Праверана 10 жніўня 2023.
- ↑ In memoriam orienteeruja ja akadeemik Anto Raukas (17.02.1935-19.04.2021)
Спасылкі
[правіць | правіць зыходнік]
На Вікісховішчы ёсць медыяфайлы па тэме Анта Раўкас
- Нарадзіліся 17 лютага
- Нарадзіліся ў 1935 годзе
- Нарадзіліся ў Тарту
- Памерлі 19 красавіка
- Памерлі ў 2021 годзе
- Памерлі ў Таліне
- Пахаваныя ў Эстоніі
- Выпускнікі Тартускага ўніверсітэта
- Выпускнікі гімназіі Хуга Трэфнера
- Кавалеры ордэна Белай зоркі 3 класа
- Заслужаныя дзеячы навукі Эстонскай ССР
- Асобы
- Арыентыроўшчыкі Эстоніі