Антс Лайкмаа

Антс Лайкмаа
эст.: Ants Laikmaa
Імя пры нараджэнні	Ants Laikmaa
Дата нараджэння	5 мая 1866(1866-05-05)
Месца нараджэння	Вігала, Павет Рапла, Эстонія
Дата смерці	19 лістапада 1942(1942-11-19) (76 гадоў)
Месца смерці	Kadarpiku[d], Таэбла[d], Павет Ляэнэ, Эстонія
Грамадзянства	Эстонія
Дзеці	Anu Kilpiö[d]
Род дзейнасці	мастак
Жанр	пейзаж, партрэт
Вучоба	Дзюсельдорфская акадэмія мастацтваў
Уплыў на	Woldemar Tank[d] і Priidu Aavik[d]
Медыяфайлы на Вікісховішчы

Антс Ла́йкмаа (эст.: Ants Laikmaa, да 1935 года Ханс Ла́йпман (эст.: Hans Laipman); 5 мая 1866, Вігала, Эстонія — 19 лістапада 1942, Таэбла, Эстонія) — эстонскі жывапісец; адзін з заснавальнікаў нацыянальнай мастацкай школы.

Біяграфія

Нарадзіўся 5 мая 1866 года на ферме Пайба (Paiba) пасёлка Арастэ (Araste) у воласці Вігала Ляэнемааскага павета ў сялянскай сям'і. Жаданне маляваць падштурхнула юнака да пераезду ў Санкт-Пецярбург, дзе ён уладкаваўся на працу ў музей Акадэміі мастацтваў.

У 1891 годзе без сродкаў да існавання пешшу з Рыгі дабраўся да Дзюсельдорфа, дзе пры падтрымцы дабрачынцаў вучыўся ў 1891—1997 гадах, з перапынкамі ў 1891—1893 і 1896—1897 гг., у Дзюсельдорфскай акадэміі мастацтваў. Працаваў 1897—1899 гадах у Дзюсельдорфе.

Пасля вяртання ў Эстонію, адкрыў у Таліне курсы малявання, ператвораныя пазней у мастацкую студыю, якая працавала ў 1903—1907 і ў 1913—1932 гадах. Сярод яе навучэнцаў многія эстонскія майстры, такія як А. Уўрытс, О. Каліс, Э. Брынкман, І. Выэрахансу, П. Аавік, Э. Роас і інш. У 1907 годзе ім было арганізавана першае эстонскае мастацкае таварыства.

У 1907—1909 гадах працаваў у Фінляндыі, у 1909—1913 гадах Італіі і Паўночнай Афрыцы.

Дом-музей Антса Лайкмаа

У доме Лайкмаа ў Таэбле створаны яго мемарыяльны музей.

Творчасць

Працаваў у жанрах партрэта і пейзажа, пераважна ў тэхніцы пастэлі. Сярод твораў: «Маленькая Альма» (1900), «Стары Айтсам», партрэт М. Ундэр (абодва 1904), «Капры» (1911), аўтапартрэт (1917), «Міку» (1926), «Маладуха з Вігалы» (1934), «Зімовы пейзаж» (1938) і інш.

Галерэя

• Працы Антса Лайкмаа
• 
  «Зімовы пейзаж». 1938
• 
  Vana talu
• 
  Capri maastik
• 
  Vaade Caprilt
• 
  Партрэт М. Ундэр. 1904
• 
  Аўтапартрэт
• 
  «Стары Айтсам»
• 
  Selma

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• На Вікісховішчы ёсць медыяфайлы па тэме Антс Лайкмаа
• Афіцыйны сайт дому-музея Антса Лайкмаа (англ.) (эст.)