Анікшчэй

Горад Анікшчэй літ.: Anykščiai Сцяг Герб Краіна Літва Павет Уцянскі Раён Анікшчэйскі Сянюнія Анікшчэйская Каардынаты 55°32′04″ пн. ш. 25°06′26″ у. д. Заснаваны 1440 Горад з 1956 Вышыня цэнтра 75 м Насельніцтва 8 491 чал. (2020) Часавы пояс UTC+2, летам UTC+3 Тэлефонны код (+370) 458 Анікшчэй на карце Літвы

Анікшчэй на Вікісховішчы

Анікшчэй (літ.: Anykščiai, традыцыйная беларуская назва — Ані́кшты) — горад у паўночнай Літве. З’яўляецца адміністрацыйным цэнтрам Анікшчэйскага раёна Уцянскага павета. Колькасць насельніцтва складе каля 12 тыс. чалавек.

Праз горад праходзіць чыгунка Панявежыс — Швянчоніс. Размешчаны за 100 км ад Вільнюса і за 52 км ад Уцяны, на рацэ Швянтойі (прыток Віліі). Анікшчэй знаходзяцца ў этнаграфічным рэгіёне Аўкштайція.

Гісторыя

Першыя ўспаміны аб паселішчы адносяцца да 1440 года. У XVI стагоддзі тут быў пабудаваны двор Радзівілаў. Магдэбургскае права Анікшчэй атрымаў 17 студзеня 1792 года па загаду вялікага князя Станіслава Аўгуста Панятоўскага.

Гарадскі касцёл

Пасля падзелаў Рэчы Паспалітай горад апынуўся ў складзе Расійскай імперыі. Жыхары горада актыўна ўдзельнічалі ў паўстаннях 1830—1831 і 1863—1864 гадоў, а ў наваколлі горада дзейнічала майстэрня па вытворчасці зброі для паўстанцаў.

У 1902 годзе тут была пабудавана водная электрастанцыя. Большасць насельніцтва Анікшчэя была яўрэямі, якія практычна ўсе былі знішчаны гітлераўцамі пад час Другой Сусветнай вайны. Пасля 1920 года Анікшчэй знаходзіўся ў складзе Літоўскай рэспублікі, а з 1940 года ў складзе СССР. З 1990 года ў складзе Літоўскай Рэспублікі.

Спасылкі

• На Вікісховішчы ёсць медыяфайлы па тэме Анікшчэй