Аніла Дэнай

Аніла Дэнай
Аніла Дэнай
	алб.: Anila Denaj
48-я Міністр фінансаў і эканомікі Албаніі
	17 студзеня 2019 — 18 верасня 2021
Прэзідэнт	Ілір Мета
Кіраўнік урада	Эдзі Рама
Папярэднік	Арбен Ахметай
Пераемнік	Дэліна Ібрахімай
Нараджэнне	18 верасня 1973 (50 гадоў); Тырана, Народная Сацыялістычная Рэспубліка Албанія
Партыя	Сацыялістычная партыя Албаніі
Адукацыя	Тыранскі ўніверсітэт
Дзейнасць	палітык

Аніла Дэнай (алб.: Anila Denaj) (18 верасня 1973, Тырана Народная Сацыялістычная Рэспубліка Албанія) — албанскі дзяржаўны і палітычны дзеяч. Міністр фінансаў і эканомікі Албаніі (2019—2021)

Біяграфія[правіць | правіць зыходнік]

У 1995 годзе скончыла Тыранскі ўніверсітэт, дзе вывучала фінансавы і банкаўскі менеджмент^[1].

На працягу 12 гадоў працавала ў ProCredit Holding і Internationale Projekt Consult, першапачаткова ў FEFAD Bank, пазней пераназваным у ProCredit Bank, дзе займала пасаду намесніка генеральнага дырэктара банка. Займала розныя кіруючыя пасады ў банках ProCredit Group у Сальвадоры, Балівіі, Эквадоры, Румыніі і Мазамбіку^[1].

У перыяд з кастрычніка 2013 года па студзень 2015 года займала пасаду генеральнага дырэктара ў Міністэрстве фінансаў, з асноўным напрамкам дзейнасці па наглядзе за аперацыямі ў Дэпартаменце фінансаў, заканадаўства і кіравання дзяржаўнай маёмасцю, ва Упраўленні інфармацыйных тэхналогій, Дэпартаменце адміністрацыі і людскіх рэсурсаў. На працягу трох гадоў была членам праўлення Упраўлення электронных і паштовых камунікацый (AKEP). Была членам праўлення Адміністрацыйнага савета Фонда абавязковага медыцынскага страхавання Албаніі (FSDKSH), членам праўлення Фонда сацыяльнага страхавання і членам назіральнага савета страхавой кампаніі INSIG. У верасні 2018 года назначана генеральным дырэктарам FSDKSH^[1].

З 2014 года выкладае ў дзяржаўнай Албанскай школе дзяржаўнага кіравання (ASPA) у Тыране ў якасці пазаштатнага выкладчыка ў галіне кіравання чалавечымі рэсурсамі^[1].

17 студзеня 2019 года прызначана міністрам фінансаў і эканомікі Албаніі ў другім кабінеце Рамы. Змяніла на гэтай пасадзе А. Ахметая падчас рэарганізацыі кабінета міністраў пасля студэнцкіх і антыкарупцыйных пратэстаў. Займала пасаду да заканчэння тэрміна паўнамоцтваў урада 18 верасня 2021 года.

Па выніках парламенцкіх выбараў 25 красавіка 2021 года абраная дэпутатам Народнага сходу Албаніі ад Сацыялістычнай партыі Албаніі^[2].

Зноскі

↑ ^а ^б ^в ^г Anila Denaj (алб.)(недаступная спасылка). Partia Socialiste e Shqipërisë. Архівавана з першакрыніцы 8 лютага 2022. Праверана 29 сакавіка 2022.
↑ Anila Denaj (алб.)(недаступная спасылка). Kuvendi i Shqipërisë. Архівавана з першакрыніцы 8 лютага 2022. Праверана 29 сакавіка 2022.

[PSS-1] а ^б ^в ^г Anila Denaj (алб.)(недаступная спасылка). Partia Socialiste e Shqipërisë. Архівавана з першакрыніцы 8 лютага 2022. Праверана 29 сакавіка 2022.

[2] Anila Denaj (алб.)(недаступная спасылка). Kuvendi i Shqipërisë. Архівавана з першакрыніцы 8 лютага 2022. Праверана 29 сакавіка 2022.

[1]

[2]