Аніцэт, Папа Рымскі

З пляцоўкі Вікіпедыя
(Пасля перасылкі з Аніцэт, папа рымскі)
Перайсці да: рух, знайсці
Папа Рымскі Аніцэт
Партрэт
Род дзейнасці:

клерык[d] і ксёндз[d]

Дата нараджэння:

I стагоддзе

Месца нараджэння:

Горад Хомс, Homs District[d], Homs Governorate[d], Сірыя

Дата смерці:

каля 20 красавіка 168

Месца смерці:

Рым, Рымская імперыя

Commons-logo.svg Папа Рымскі Аніцэт на Вікісховішчы

Аніцэт (лац.: Anicetus; ? — 165/166) — біскуп рымскі (154/155 — 165/166), прылічаны да святых.

Звестак пра Аніцэта амаль няма. Паводле Liber Pontificalis быў сірыйцам з Эдэсы. Вядома толькі, што ў час яго пантыфікату Рым наведаў вядомы біскуп Смірны Палікарп (пам. ~163), каб узгадніць з рымскай царквой дысцыплінарныя пытанні, датычныя ўсталявання даты святкавання Вялікадня, а таксама пазіцыі царкоўнай іерархіі ў дачыненні да новых хрысціянскіх плыняў, якія пагражаюць расколам. Гаворка ішла ў асноўным пра погляды фрыгійскага селяніна Мантана і яго вучняў, якія прапагандавалі хрысціянства, у якім акцэнт рабіўся на індывідуальных дзеяннях Святога Духа ў рэлігійных перажываннях; а таксама пра дзейнасць Маркіёна — заможнага купца з Сінопу, які сцвярджаў, што хрысціянства павінна адкінуць Стары запавет і развіваць дактрыну выключна ў духу пасланняў апостала Паўла. Маркіён прыбыў у Рым і ахвяраваў хрысціянскай суполцы значную суму (200 тыс. сестэрцый) і частку сваёй бібліятэкі. Рада старэйшын, пра ролю Аніцэта крыніцы не згадваюць, адхіліла вучэнне Маркіёна, вярнула яму грошы, але пакінула бібліятэку. Маркіён заснаваў у Рыме ўласную суполку, якая знайшла паслядоўнікаў ва ўсходніх і заходніх правінцыях Рымскай імперыі.

Літаратура[правіць | правіць зыходнік]

Спасылкі[правіць | правіць зыходнік]