Аранжыроўка

Аранжыро́ўка (ад фр.: arranger — літаральна «прыводзіць у парадак») — пералажэнне музычнага твора для іншага складу выканаўцаў або для выканання на іншым інструменце (інструментах), чым гэта прадугледжана ў арыгінале. Існуюць пералажэнні опер, сімфоній, камерных ансамбляў для фартэпіяна, радзей — вакальных і інструментальных твораў для аркестра.

Пад аранжыроўкай таксама разумеюць палегчанае пералажэнне музычнага твора для выканання на тым самым інструменце.

У джазавай музыцы

У джазавай музыцы аранжыроўка, як правіла, з’яўляецца элементам імправізацыі. Пад аранжыроўкай для аркестра разумеюць апрацоўку музычнага тэматызму, зафіксаваную ў нотным тэксце. Для невялікіх ансамбляў характэрна «вусная» аранжыроўка, без нотнага запісу, заснаваная на імгненнай каардынацыі намаганняў асобных выканаўцаў.

Літаратура

• І. Дз. Назіна. Аранжыроўка // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 453. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).