Арнольд Уладзіміравіч Пячэрскі
| Арнольд Уладзіміравіч Пячэрскі | |
|---|---|
| Род дзейнасці | палітык |
| Дата нараджэння | 1963 |
| Дата смерці | 1999 |
| Партыя | |
Арнольд Уладзіміравіч Пячэрскі (рус. Арнольд Владимирович Печерский) (1963 — 1999) — беларускі прадпрымальнік, а таксама грамадскі і палітычны дзеяч.
Біяграфія[правіць | правіць зыходнік]
Стваральнік прафсаюза прадпрымальнікаў. Член прафсаюза «Садружнасць». Член партыі БНФ і актывіст Аб'яднанай грамадзянскай партыі. З 1997 г. член стачкама прадпрымальнікаў Беларусі і кіраўнік стачкама прадпрымальнікаў па г. Мінску і Мінскай вобласці[1]. Арганізатар забастовак прадпрымальнікаў на рынках «Дынама» і «Ждановічы». Паводле ўспамінаў А. Макаева (нам. старшыні Руху салідарнасці "Разам"): "фінансаваў некалькі юрыстаў, якія па “гарачай лініі” аказвалі бясплатную дапамогу беларускім прадпрымальнікам па розных пытаннях; дапамагаў Вячаславу Сіўчыку выдаваць прадпрымальніцкі бюлетэнь “Кірмаш”"[2]. Давераная асоба М. Чыгіра падчас удзелу апошняга ў прэзідэнцкіх выбарах 1999 г.
Гібель[правіць | правіць зыходнік]
24 красавіка 1999 г. вяртяючыся з Масквы па справах свайго бізнеса, А. Пячэрскі патрапіў у аварыю на трасе Масква-Мінск у раёне горада Крупкі, у якой загінуў. Гэты дзень адзначаецца беларускай апазіцыяй, як дзень памяці Арнольда Пячэрскага[1] Архівавана 28 красавіка 2013.[2](недаступная спасылка)[3](недаступная спасылка)[4]. 27 красавіка пахаваны на Кальварыйскіх могілках у Мінску.
Існуюць 2 асноўныя версіі яго гібелі. Афіцыйная: вадзіцель Пячэрскага заснуў за рулём і машына сутыкнулася з дарожна-будаўнічай тэхнікай[3]. Альтэрнатыўная: "ягоная смерць супала ў часе са смерцю Карпенкі, знікненнем Ганчара, Захаранкі» (некаторых іншых лідараў беларускай апазіцыі) і мае дачыненне да гэтых смярцей і знікненняў[4][5]" і да яго смерці могуць мець дачыненне ўлады Беларусі. Паведамленне пра смерць А. Пячэрскага ўвайшло ў штогадовы агляд парушэнняў правоў чалавека ў Беларусі за 1999 г[6].
Зноскі
- ↑ 8 лет со дня гибели известного лидера предпринимателей // Сайт В. Леванеўскага
- ↑ Таццяна Уласенка 24 красавіка — дзень памяці Арнольда Пячэрскага // Новы час 24.04.2013
- ↑ В автокатастрофе погиб активист белорусской оппозиции// Gazeta.ru
- ↑ Памяці Арнольда Пячэрскага// Наша ніва 26.04.2010
- ↑ Очередная загадочная смерть потрясла Республику Беларусь//Бюллетень «ПРЕДПРИНИМАТЕЛЬ» № 14 (апр. 1999 г)
- ↑ REVIEW-CHRONICLE OF THE HUMAN RIGHTS VIOLATIONS IN BELARUS IN 1999, рр.53-54
Спасылкі[правіць | правіць зыходнік]
- Погиб Арнольд Печерский // Белорусы и рынок Архив: № 17(346) 3 — 10 мая 1999 г.
- ПРОФСОЮЗНОЕ ДВИЖЕНИЕ БЕЛАРУСИ в 1990—2004 гг. Архівавана 11 сакавіка 2016.
- Statement of Charter'97 of May 11, 1999