Арсен Барысавіч Авакаў

Арсен Барысавіч Авакаў
Арсен Барысавіч Авакаў
	укр.: Арсен Борисович Аваков
	27 лютага 2014 — 15 ліпеня 2021 ; (в. а. 22—27 лютага 2014)
Прэзідэнт	Аляксандр Турчынаў (в. а.); Пётр Парашэнка; Уладзімір Зяленскі
Кіраўнік урада	Сяргей Арбузаў (в. а.); Арсеній Яцінюк; Уладзімір Гройсман; Аляксей Ганчарук; Дзяніс Шмыгаль
Папярэднік	Віталь Захарчанка
Пераемнік	Дзяніс Манастырскі
	4 лютага 2005 — 4 лютага 2010
Прэзідэнт	Віктар Юшчанка
Папярэднік	Сцяпан Масельскі
Пераемнік	Міхаіл Добкін
	12 снежня 2012 — 17 сакавіка 2014
	27 лістапада — 2 снежня 2014
Нараджэнне	2 студзеня 1964 (60 гадоў); Binagadi raion[d], Баку, Азербайджанская ССР, СССР;
Дзеці	Аляксандр
Нацыянальнасць	армянін
Партыя	Бацькаўшчына (2010–2014); Народны фронт (з 2014)
Член у	Вярхоўная Рада Украіны VII склікання[d];
Адукацыя	Харкаўскі політэхнічны інстытут
Дзейнасць	палітык, дзяржаўны служачы
Аўтограф
Сайт	avakov.com
	Медыяфайлы на Вікісховішчы

Арсе́н Бары́савіч Ава́каў (укр.: Арсен Борисович Аваков, арм.: Արսեն Բորիսի Ավակով; нарадзіўся 2 студзеня 1964, Баку, Азербайджанская ССР) — украінскі дзяржаўны і палітычны дзеяч армянскага паходжання. Міністр унутраных спраў Украіны ў 2014—2021 гадах.

Біяграфія[правіць | правіць зыходнік]

Нарадзіўся 2 студзеня 1964 года ў Баку ў сям’і вайскоўца. Па нацыянальнасці армянін.

З 1966 года стала жыве ва Украіне. Грамадзянін Украіны.

У 1988 годзе скончыў Харкаўскі політэхнічны інстытут па спецыяльнасці «Аўтаматызаваныя сістэмы кіравання», кваліфікацыя — інжынер-сістэматэхнік. У 1987—1990 гадах працаваў інжынерам ва Усесаюзным навукова-даследчым інстытуце аховы вод у Харкаве.

У 1990 годзе заснаваў і ўзначаліў АТ «Інвестар», а ў 1992 годзе — камерцыйны банк «Базіс».

У 2002 годзе абраны членам выканаўчага камітэта Харкаўскага гарадскога савета. Падчас прэзідэнцкай кампаніі 2004 года быў намеснікам кіраўніка харкаўскага штабу Віктара Юшчанкі.

4 лютага 2005 года ўказам прэзідэнта Украіны Віктара Юшчанкі прызначаны старшынём Харкаўскай абласной дзяржаўнай адміністрацыі.

З восені 2011 года да снежня 2012 года знаходзіўся ў палітычнай эміграцыі ў Італіі праз пераслед ва Украіне з боку рэжыму Віктара Януковіча.

У 2012 годзе абраны народным дэпутатам Украіны.

Падчас Рэвалюцыі 2014 года быў адным з камендантаў Еўрамайдана.

27 лютага 2014 года Вярхоўная рада Украіны зацвердзіла Арсена Авакава на пасадзе міністра ўнутраных спраў Украіны.

Па ініцыятыве Авакава ў 2014 годзе былі створаны Нацыянальная гвардыя Украіны і добраахвотніцкія батальёны. Яны далі магчымасць спыніць ваенную агрэсію з боку Расійскай федэрацыі на Усходзе Украіны.

У ноч з 7 на 8 красавіка 2014 года Авакаў асабіста кіраваў штурмам будынка Харкаўскай абласной дзяржаўнай адміністрацыі, які быў захоплены сепаратыстамі і баевікамі з Расійскай Федэрацыі^[1]^[2].

Авакаў ініцыяваў намаганні МУС па ўкараненні біяметрычных пашпартоў, што было ўмовай увядзення бязвізавага рэжыму Украіны з краінамі ЕС.

Авакаў абараняў байца Нацыянальнай гвардыі Украіны Віталя Марківа ў Італіі. Пры ўдзеле Авакава суд у Мілане (Італія) зняў з Марківа абвінавачанні ў гібелі фотарэпарцёра Андрэа Ракелі (Італія) і Андрэя Міронава (Расійская Федэрацыя) у Славянску ў маі 2014 года^[3].

Авакаў быў міністрам унутраных спраў Украіны з 24 лютага 2014 да 15 ліпеня 2021 года, пры двух Прэзідэнтах Украіны — Пятру Парашэнку і Уладзіміры Зяленскім, уваходзіў у пяць складаў Кабінета міністраў Украіны. Гэта самая доўгая кадэнцыя за гісторыю незалежнай Украіне.

Дзяржаўныя ўзнагароды[правіць | правіць зыходнік]

Заслужаны эканаміст Украіны (22.06.2007);
Ордэн «За заслугі» III ступені (15.04.2016);
Ордэн Ганаровага легіёна (Францыя) (09.06.2022).

Зноскі

↑ Святослав Хоменко. "ХНР": Харьковская неудавшаяся республика (нявызн.). bbc.com. BBC (8 красавіка 2015).
↑ 17-минутный штурм ХОГА отрезвил Кремль, - Аваков (нявызн.). dsnews.ua (8 красавіка 2019).
↑ ОБСЕ требует расследовать гибель Рокелли и Миронова (нявызн.). bbc.com. BBC (26 мая 2014).

Спасылкі[правіць | правіць зыходнік]

На Вікісховішчы ёсць медыяфайлы па тэме Арсен Барысавіч Авакаў
Асабісты сайт (руск.)

[1] Святослав Хоменко. "ХНР": Харьковская неудавшаяся республика (нявызн.). bbc.com. BBC (8 красавіка 2015).

[2] 17-минутный штурм ХОГА отрезвил Кремль, - Аваков (нявызн.). dsnews.ua (8 красавіка 2019).

[3] ОБСЕ требует расследовать гибель Рокелли и Миронова (нявызн.). bbc.com. BBC (26 мая 2014).

[1]

[2]

[3]