Арцём Сяргеевіч Пятрэнка

Арцём Пятрэнка
Агульная інфармацыя
Поўнае імя	Арцём Сяргеевіч Пятрэнка
Нарадзіўся	1 сакавіка 2000(2000-03-01) (19 гадоў) Мазыр, Гомельская вобласць, Беларусь
Грамадзянства	Беларусь
Рост	174 см
Вага	64 кг
Пазіцыя	паўабаронца, нападнік
Інфармацыя пра клуб
Клуб	Славія-Мазыр
Нумар	34
Кар’ера
Маладзёжныя клубы
2014 — 2017	РДВАР (Мінск)
Клубная кар’ера*
2017 —	Славія-Мазыр	28 (7)
Нацыянальная зборная**
2016 — 2017	Беларусь (да 17)	5 (0)
2017 — 2018	Беларусь (да 19)	5 (0)
2019 —	Беларусь (да 21)	5 (1)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 красавіка 2019. ** Колькасць гульняў і галоў за нацыянальную зборную ў афіцыйных матчах, адкарэктавана станам на 23 лістапада 2019.

Арцём Пятрэнка (нар. 1 сакавіка 2000, Мазыр) — беларускі футбаліст, нападнік мазырскай «Славіі» і моладзевай зборнай Беларусі.

Клубная кар’ера

Выхаванец мазырскага футбола, у жніўні 2014 года перабраўся ў Акадэмію АБФФ, якая функцыянавала на базе мінскага Рэспубліканскага дзяржаўнага вучылішча алімпійскага рэзерву (РДВАР). У ліпені 2017 года пасля заканчэння навучання вярнуўся ў Мазыр і стаў іграком «Славіі», дзе пачаў выступаць за дубль, аднак хутка далучыўся і да асноўнага складу. 27 жніўня 2017 года дэбютаваў у Вышэйшай лізе, выйшаўшы ў стартавым складзе ў матчы супраць брэсцкага «Дынама» (1:2).

У сезоне 2018 застаўся ў мазырскім клубе пасля яго вылету ў Першую лігу. Стаў атрымоўваць больш часу на полі і дапамог «Славіі» вярнуцца ў элітны дывізіён. 1 верасня 2018 года ў матчы супраць «Смаргоні» адзначыўся хет-трыкам.

Міжнародная кар’ера

У кастрычніку 2016 года і сакавіку 2017 года ў складзе юнацкай зборнай Беларусі (да 17 гадоў) прымаў удзел адпаведна ў кваліфікацыйным і элітным раўндах чэмпіянату Еўропы.

У кастрычніку 2017 года і кастрычніку 2018 года ў складзе юніёрскай зборнай Беларусі (да 19) прымаў удзел у кваліфікацыйных раўндах чэмпіянату Еўропы.

26 сакавіка 2019 года дэбютаваў у моладзевай зборнай Беларусі ў таварыскім матчы са зборнай Літвы.

Дасягненні

• Пераможца Першай лігі чэмпіянату Беларусі: 2018

Статыстыка выступленняў

Сезон	Дывізіён	Клуб	Краіна	Матчы	Галы
2017 (2)	Д1	Славія-Мазыр		7	0
2018	Д2	Славія-Мазыр		20	7

Спасылкі

• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)