Арцём Сяргеевіч Шут

Арцём Шут
Поўнае імя	Арцём Сяргеевіч Шут
Нарадзіўся	18 чэрвеня 1995(1995-06-18) (28 гадоў) Мазыр, Гомельская вобласць, Беларусь
Грамадзянства	Беларусь
Рост	190 см
Вага	80 кг
Пазіцыя	абаронца
Клубная кар’ера
2013—2018 Славія (Мазыр) 9 (0)

Арцём Шут (нар. 18 чэрвеня 1995, Мазыр) — беларускі футбаліст, абаронца.

Клубная кар’ера

Пачынаў кар’еру ў мазырскай «Славіі», у 2013 годзе выступаў за дубль клуба. Па выніках сезона мазырскі клуб выбыў у Першую лігу і перастаў выстаўляць каманду ў турнір дублёраў, таму Арцём быў пераведзены ў асноўную каманду «Славіі», дзе і дэбютаваў 19 красавіка 2014 года ў матчы першага тура супраць «Смалявічаў-СТІ», выйшаўшы на замену на 82-й хвіліне. Замацавацца ў аснове не здолеў, да канца сезона яшчэ толькі двойчы з’яўляўся на полі.

Па выніках сезона 2014 «Славія» вярнулася ў Вышэйшую лігу, і Арцём зноў апынуўся ў дублі. 27 красавіка 2015 года дэбютаваў у Вышэйшай лізе, калі ў сувязі з траўмамі асноўных ігракоў выйшаў у стартавым складзе на пазіцыі цэнтральнага абаронцы ў матчы супраць «Тарпеда-БелАЗ» (перамога «Славіі» 1:0). Усяго ў сезоне 2015 шэсць разоў з’явіўся на полі ў Вышэйшай лізе. У сезоне 2016, аднак, гуляў толькі за дубль і не з’яўляўся ў асноўным складзе.

У сакавіку 2017 года падоўжыў кантракт са «Славіяй». У сезоне 2017 працягваў гуляць за дубль, у асноўную каманду не прыцягваўся. У сезоне 2018 быў заяўлены ў складзе «Славіі» на Першую лігу, аднак на полі не з’яўляўся і з-за траўмы калена завяршыў кар’еру.

Пазней стаў працаваць у Мазыры дзіцячым трэнерам па футболе.

Статыстыка выступленняў

Сезон	Дывізіён	Клуб	Краіна	Матчы	Галы
2013	дубль	Славія		21	0
2014	Д2	Славія		3	0
2015	Д1	Славія		6	0
2016	дубль	Славія		12	0
2017	дубль	Славія		13	0
2018	Д2	Славія		0	0

Палітычныя погляды

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля здушэння народных пратэстаў у 2020 годзе.