Арыбатыды (Oribatida) — падатрад кляшчоў (часам атрад) з атрада саркаптыформных кляшчоў (Sarcoptiformes) надатрада акарыформных (Acariformes). Налічваюць ад 6600 відаў да прыкладна 11 тыс. відаў і падвідаў.
Палеарктыка (3863 віды). Неарктыка (1116). Афратропіка (1870). Арыентальная вобласць (2470). Аўстралія (1500). Антарктыка і субантарктыка (138). Неатропіка (2238). Дадзеныя 2018 года для сусветнай фауны: 11 036 відаў і падвідаў (+ 1 551 сінонімаў), 1 278 родаў і падродаў (+ 441 сінонімаў), 163 сямействы.
Цела арыбатыдаў цёмна-карычневага ці чорнага колеру, памер ад 0,2 да 1,4 мм. Адна з найбольш шматлікіх і дамінантных груп членістаногіх у арганічных гарызонтах большасці глеб, дзе іх удзельная вага можа дасягаць некалькіх сотняў тысяч індывідаў на квадратны метр. Сваёй дзейнасцю спрыяюць глебаўтварэнню.
