Арый Майсеевіч Пазоўскі

Арый Майсеевіч Пазоўскі
руск.: Арий Моисеевич Пазовский
Род дзейнасці	дырыжор, музыкант, скрыпач
Дата нараджэння	21 студзеня (2 лютага) 1887
Месца нараджэння	Перм, Пермскі павет[d], Пермская губерня, Расійская імперыя
Дата смерці	6 студзеня 1953(1953-01-06) (65 гадоў)
Месца смерці	Масква, РСФСР, СССР
Месца пахавання	Увядзенскія могілкі[d]
Грамадзянства	Расійская імперыя  СССР
Месца працы	Нацыянальны акадэмічны Вялікі тэатр оперы і балета Рэспублікі Беларусь
Альма-матар	Санкт-Пецярбургская дзяржаўная кансерваторыя імя М. А. Рымскага-Корсакава ()
Партыя	КПСС ()
Узнагароды і прэміі

Арый Майсеевіч Пазоўскі (21 студзеня (2 лютага) 1887, Перм — 6 студзеня 1953(1953-01-06), Масква) — расійскі дырыжор. Народны артыст СССР (1940).

Біяграфія

Скончыў Пецярбургскую кансерваторыю (1904, клас Л.Аўэра). З 1905 года дырыжор у Мінску, пазней у розных оперных тэатрах, у т. л. Оперным тэатры Зіміна ў Маскве (1908—10), у петраградскім Народным доме (1916—18). У 1923—28 гадах (з перапынкам) дырыжор, у 1943—48 гадах мастацкі кіраўнік і галоўны дырыжор Вялікага тэатра ў Маскве, у 1936—43 у Ленінградскім т-ры оперы і балета. Яго інтэрпрэтацыі рус. класічных опер адметныя тонкім густам і філіграннай апрацоўкай дэталей. Сярод пастановак у Ленінградскім тэатры; «Казка пра цара Салтана» М.​Рымскага-Корсакава (1937), «Кармэн» Ж.​Бізэ (1938), «Іван Сусанін» М.​Глінкі (1939), «Чарадзейка» П.​Чайкоўскага (1941), «Емяльян Пугачоў» М.​Каваля (1942), «Ноч перад Калядамі» Рымскага-Корсакава (1943); у Вялікім тэатры — «Фауст» Ш.​Гуно (1924), «Валькірыя» Р.​Вагнера (1925), «Барыс Гадуноў» М.​Мусаргскага (1927), «Іван Сусанін» (1945). Аўтар кнігі «Запіскі дырыжора» (2-е выданне, 1968). Сталінская прэмія (1941, 1942, 1943).

Літаратура

• Пазоўскі Арый Майсеевіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).