Арыядна Барысаўна Ладыгіна

Арыядна Барысаўна Ладыгіна
Дата нараджэння	2 сакавіка 1927(1927-03-02)
Месца нараджэння	Менск, Менская акруга, Беларуская ССР, СССР
Дата смерці	10 красавіка 2021(2021-04-10) (94 гады)
Месца смерці	Мінск, Беларусь
Бацька	Барыс Іванавіч Ладыгін
Маці	Арыядна Пампееўна Александроўская[d]
Муж	Васіль Васільевіч Грынін
Род дзейнасці	музычны эстэтык, музычны крытык
Месца працы	Саратаўскае музычнае вучылішча[d] Маскоўская дзяржаўная кансерваторыя імя П. І. Чайкоўскага Казанская кансерваторыя[d] Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларуская дзяржаўная акадэмія музыкі
Навуковая ступень	доктар філасофскіх навук (1976)
Навуковае званне	прафесар
Альма-матар	Маскоўская дзяржаўная кансерваторыя імя П. І. Чайкоўскага (1950)
Член у	Беларускі саюз кампазітараў БСТД

Арыядна Барысаўна Ладыгіна (2 сакавіка 1927, Менск — 10 красавіка 2021, Мінск) — беларускі вучоны-эстэтык, музычны крытык і педагог. Доктар філасофскіх навук (1976).

Біяграфія

Нарадзілася 2 сакавіка 1927 года ў г. Менску ў сям’і інжынера Барыса Ладыгіна і Арыядны Пампееўны Александроўскай, сястры беларускай спявачкі Ларысы Александроўскай. Мела сястру Вольгу (нар. 1922), якая стала архітэктарам.

Скончыла Маскоўскую кансерваторыю ў 1950 годзе. Выкладала ў 1950—1951 гадах Саратаўскім музычным вучылішчы, у 1954—1955 гадах у Маскоўскай кансерваторыі і у 1955—1958 гадах у Казанскай кансерваторыі. 3 1958 года старэйшы навуковы супрацоўнік у Інстытуце мастацтвазнаўства, этнаграфіі і фальклору АН Беларусі, з 1961 загадчыца сектара музыкі. 3 1963 у Беларускай акадэміі музыкі, з 1973 загадчыца кафедры марксізму-ленінізму, з 1978 прафесар.

Памерла 10 красавіка 2021 года.

Навуковая дзейнасць

Даследавала праблемы народнасці мастацтва, пераемнасць культур (пераважна на матэрыяле беларускай музыкі), гісторыю беларускага музычнага тэатра. Выступала як музычна-тэатральнальны крытык.

Творы

• Народнасць савецкага мастацтва і беларуская музыка. Мн., 1961;
• Искусство и современность. Мн., 1964;
• Искусство: Диалектика преемственности. Мн., 1979 (разам з В. В. Грыніным);
• О преемственности в искусстве. М., 1982 (з ім жа);
• Книга по эстетике для музыкантов. М.; София, 1983 (у сааўтарстве);
• Искусство в системе духовных ценностей общества. М., 1986 (разам з В. В. Грыніным);
• Le caractère populaire de l’art socialiste // Actes du VIIe congrès international d’esthétique. Bucarest, 1977. T. 2.

Літаратура

• Ладыгіна Арыядна Барысаўна // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).